من قال صـدفــه خير من ألف ميعـاد
انا اشهد انه مـــاكـــذب في كـــــلامـــه..
كم لي سـنــه اتبع خطاويه نـــشّــــــاد
واقول ويـن اللي ذبحني غـــــــرامـــه..
وياما انتظرته في دروبــــــه ولافـــاد
وأصبح حصيلي هالــــتعب والندامـــه..
إلين ياسي داخل الـــصـــدر بي زاد
واعلن على قصر الـــمـحبه إنهدامـــه..
لكن ترى البـارح لقى الحب (مــــيلاد)
واليـأس ولى معلـن بـــإنـــــهــــــزامـــه..
بأسباب ((صدفـــه)) خـلـت الحــب وقــاد
والقلب فـــز بكل شوقـه وهــــيـــامــــه..
صدفـه التقينـا دون تحديد مــــيــــعــــاد
وقـف قبـالــي في شفاته ((ابــتــــســامـــه))..
خـفــت اتكلــم يقلـب المــسألــه عنـــــاد
ويقـــــلب علـي الإبــــتـسامه مــــلامـــه..
قـلت اسكـــت احسن يمكن بيـوم تـنــعـاد
لقيا خفوقــي مع ســعــادة مـــــرامــه..
وتحرك المحبوب مــعــــلــن بالإبــعـــاد
يمشـي وكنـه (بــــدر ليلة تــمـــامـــه)..
وجلسـت انــا ادعـي: يحرسك رب العبــاد
اللي عــطاك كل الحـــــــلا والوسامـــه..
يحرسـك لاتصيبك حدى عـيون حـــســـاد
وادعـي تعيش بدنيتـك في ســــــــلامه..
واليوم افكــر صارت البـارح اعـــــياد
بأسباب من خلـي لـمــحــنــا ابتسامــــــه..
وشلون لـــو خلي يجينـي وهـــو جـــاد
ويطلـب غرامـــي وأتهـنى بغرامـــــــه..؟؟؟
عجـزت أجـاوب لكن العلم الوكــــــاد
هو بيـت بــأول هالقصيده وخـتــامــه..
من قـال صدفـه خيـر من الف ميعـــاد
انـا اشهـد إنه ماكـذب في كــــلامـــــه
من قال صـدفــه خير من ألف ميعـاد انا اشهد انه مـــاكـذب في كـلامـه
العرض الشجري