القلب الرياضـــي!

السلام عليكم ورحمة الله وبركاته

اتمنى ان ترتقي للمأمول

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياقلبي اقبل واقعي بالحذافير=خلك على ماقيل قلبٌ رياضي
اصبر على الواقع بحلو وتمارير=صبرك على المقسوم شي افتراضي
واسلى مع العالم وقل للمضافير=ماني لسكات المحبين فاضي
عمري..وقضيته بالسهر والمشاوير=حتى لقيت ان (اثمر)العمر ماضي
ياما سريت دروب قشر ومحافير=وياما سهرت الليل وسط الفياضي
اسمر مع القمرا واصبّح مع الطير=لين اثبت الميزان زود انخفاضي
اتعبتني في ما مضى بالمعاذير=نوبٌ تزعلني ونوبٌ تراضي
واليوم انا بحدث على الوضع تغيير=يمكن تزين الحال عقب التقاضي
بعطيك علم وبلغه دون تاخير=والا على مبداك دوك اعتراضي
قل.للعيون الزايغة تلزم السير=واحذر تعاملها بوضع التغاضي
ما فادني كثر النظر للغنادير=اللي صدفناهن بسوق الرياضي
واخر كلامي همسةٌ للجماهير=اللي عليهم اصبح الهم قاضي
روموا الكتاب اللي لفى بالتباشير=يذهب كثير من الهموم الهياضي[/poem]

وسلامتكم ...