ضياآاآع

مدخل:


من ضياع...إلى ضياع(ن)في ضياع***حالتي من عرفت هالدنياآاآا





يمة ابسألك جاوبيني...لا تخبي علي
ريحيني...
الزمن يمة..وش اللي بينه وبيني؟
ليه دايم يخطف الفرحة من خفوقي وعيني ؟
هو بيننا ثارٍ فديم وحلف انه ما يخليني؟


قولي..
لا تخافي من الصدمة علي
انتي تعرفيني
عودني هالزمان اتحمل الهم والضيقة
واشيل حملي لحالي
حتى لو كنت ما اطيقه
وعلمني أعيش لحظات حزني دقيقة ..دقيقة



يمة طفلتك هالحين ما هيب طفلة
كبرها الزمان وشيبت في حين غفلة..
علميها السر قبل ترحل
علميها..
ليه الزمن حاقد عليها؟
يمكن تعذره..
يمكن تسامح عمرها اللي ضاآاآيع أكثره..
تدرين ما بقى شي ممكن تخسره..



تكفين يمة جاوبيني..
هالزمن وش اللي بينه وبيني؟
دام ما عندك جواب..
تكفين بس في حضنك الدافي خذيني..
هذا آخر طلب..
ولو مت يمة سامحيني..
بس الزمان اللي قهرني..
ما أبيك تسامحينه
قولي لكل هالعالم أني رحلت وروحي حزينة..
وان هالزمن هو سبب حزني والغبينة..



قولي إني كنت أبكي كل ليلة..
دموعي ع الوسادة كاتبة قصة طويلة..
قصة انسانة حرمها الزمن لحظات الفرح
وإن عطاها؟؟كانت قليلة..


إنسانة تمنت..بيوم تودع هالضياع..بس للأسف ..
هالامنية بالذااااات كانت مستحيلة؟
إنسانة خذلها كل شي بالدنيا..
حتى حروف الكتابة..كانت معاها بخيلة..



بس يمكن هالسؤال اللي شغلها هو بس اللي
قدرت تصيغه..
رغم إن فيه من الألم مالا تستسيغه..
بس هالمرة اقتنعت إنها بليغة..
اختصرت كل الاسئلة بكم كلمة..
وصار السؤال اللي ما ترتجي له جواب:
(الزمن يمة وش اللي بينه وبيني)؟!!






ما ودي اشرح وش كثر بالدنيا تشرشحت..
والحمد للباري على كل الاحواااال..
لكن ما اذكر اني مع زماني تصالحت..
ولا عشت عمري مثل باقي الاطفال..
من سود الليالي..يااااما تجرحت..
حسبي عليك الله..ياسود الليال!!