بسم الله اللي له نصلي غني عنا

[poem=font=",6,,bold,italic" bkcolor="transparent" bkimage="" border="none,4,black" type=2 line=1 align=center use=ex num="0,black""]
بسم الله اللي له نصلي غني عنا = له دعوة الحق مانــدعــو له انــدادي
الله يخزي شيـــاطينٍ تـــشاطــنا = ان هم من الحضر والا هم من البادي
رزقي على خالق الانسان والجنا = لا راد بالرزق ما ردوه الاضدادي
يابكرتي صبرك فن(ن) على فنا = والفن لنه لقي له صبر يزدادي
تراث الاجداد من ثروة مواطنا = سفينة البر من صنعا لبغدادي
ياحرة اصيل ما في عدكي ظنا = يحفضكي الله لنا من كل حسادي
عرضتكي للزباين وأعرضو عنا = هقواتهم فالحراير ديد ما دادي
انت الذهب والدولار والينا = خلق الله اللي له العباد سجادي
ان لفن الكوع بعد اقفايه وجنا = فوتي انتاج المطايا فوت وابعادي
اطي خطوط النهايه قبل يصلنا = يانسل حره عددها عند عدادي
ياتي زبونك وانا عالهيل والبنا = زباين الصنف طماعه وركادي
يالله ياعل الهقاوي ما يخيبنا = نسمع لكي صيت بالتلفاز والرادي
وختامها ياطيور الهرج ودنا = سلام لهل النضى ومن يدعم النادي
[/poem]

الشاعر / عبدالله ابن عمار