قصيدة العميري بحفل علي نصار العمراني

هذه القصيدة للشاعر / مسلم عواد العميري
ألقيت في حفل أقامه الإستاذ / على نصار العمراني
على شرف شيخ القبيله لضيوفه الكرام من شيوخ قبيلة بلي وشيوخ المنطقه .


قالوا تشرفنا على محفل الخيــر=عند الرجال اللي تحـب الكـــرامـــــه
عمـران يا عـز الرجال البواطير= اللـي لهــا بالمجـد جــودة عـلامــــه
ربـعٍ تحيي بالضيـوف المساييـر= وكلمـة هـلا معهـا عـريض إبتسامه
سـاقوا لنا فنجال زيـن المباهيــر= مـع تمـرةٍ يبـري حـلاهـا السقامــه
ما يقبلون النقص والنقص تقصير= كـلٍ شمّـر عـن سـاعـده بإلتزامـــه
وأنا إلى مني دعوني المنــاعيـر =ألبـي الـدعـوة بحـزم و صـرامـــه
ما أقوى على سوق الحجج والمعاذير= خصٍ وأنا بين النسب والـرّحـامــه
( عمر ) خواله طيبين المحاديـر =هـذي حميـدات اللقـاء والزعـامــه
أهـل العطايـا بالليالـي المعاسيـر= والضيف لا جاهم يحصل مـرامـــه
أقـولهـا من دون نقصان بالغيـر= كـلٍ عطـاه الله عــز و شهــامـــه
وكلٍ حويطات على نهجـه يسير= علـى الوفاء والطيب مرفـوع هامه
ربعي ولي حق أنتشي بالتفاخير =سيفٍ مكين إنصاب صعب إنثلامه
ومكسب لنا شوف الوجيه المسافير= ضيوف فـي مجلـسٍ رفيع مقامــه
أهلاً هلا ما بين حشمه وتقديـر =والحمـد لله في وصـول السـلامــه
يا مرحبا ترحيبـةٍ شـانهـا غيـر= تبلـغ من الترحيـب ذروة سنـامــه
ألـذ وأطيب من حليب المغـاتيـر =وأرق وأصفى من مياه الغمامــه
كنها شذا لا فاح ريح الأزاهيــر =والا بخورة عـود صـاعـد عسامـه
قومٍ من قضاعه سيوفٍ مشاطير= الكـل منهــم لـه نكــن إحتــرامـــه
صقـورٍ من لابـة بلي المغـاويـر= فيهـم علامات الوفـاء والشهامـــه
منهم كما القعقاع أو سالم الزير= بالفعـل لا مـن قــال ثبــت كـلامــه
وأثني على اللي ما يهاب المخاسير =علـي ولـد نصـار راعـي الكرامــه
وصلاة ربي عد ما رفرف الطير= علـى شفيـع الخلـق يـوم القيامــه

منقووووووووووووول