مــا تـفـيـد الــمـعـاذيــر

ماعاد تنفع جيتك والمعاذير
ماعاد يغريني كلام سمعته

خل العذر مابالعذر اي تغيير
وشلون ابنسى جرحك اللي جرحته

جازيتني عقب المحبه بتقصير
واقفيت عن شاطي هوانا هجرته

ياكان لك عندي معزه وتقدير
واليوم قدرك بالمواطي دعسته

من حب ذاته صعب يوفي مع الغير
ومن حب ذاته من خفوقي شلعته

ترى الدوى هجرك وبعدك تباشير
وطاري غرامك من حياتي مسحته

ضاعت دروبك واتعبنك مشاوير
واللي مضى ياصاح توك ذكرته

واخر كلامي ماتفيد المعاذير
وماعاد يغري كذبك اللي سمعته


للشاعر : يوسف شافي