جبت لكم هالقصيدة وعساها تحوز على رضاكم
وهي للشاعر الكبير بدر الحويفي الحربي
وأعتقد أن هذا وقتها
أترككم مع النص والشيلة
‫شيلة الطير كلمات الشاعر الكبير بدر الحويفي لحن وأداء سلمان فيصل‬‎ - YouTube
القيض راح وبردن الليــالي***والطير عقب القرنسة كمّل الريش
والمزن بالمنشأ غدا له ظــلالي***وتراكمت غر المـزون المراهيـش
وتذكر الصقار وقت مضى لي***ايام جالي بالغبيـة مغابيـــش
يوم الحباري حوزهن بالدحالي***ليا فرع النادر طلبــهن مخاييش
والخرب بادناهن يصير الموالي***يوجس براسه للشجاعـة نغاميش
خرب مغفل ماحسب للتوالي***طقيق حنكانه سوات القراقيــش
وجاه اشقرجوفه من النسرخالي***جزام صيـاده يقض النشانيـش
له بالطيور البرق فعل ومدالي***ضربه عطب ماهو مسوح وتناويش
ذاك الزمان اللي به المر حالي***يوم الصقارة تنعش القلب وتعيـش
واليوم لو نقنص جنوب وشمالي***صرنا على ما قيـل مثل القراريـش
ما شوف والله للصقارة مجالي***نقفي ونقبل يالحميـدي على ويش
مهما تجاوزنا فياح السهــالي***غير الدجاجة ما لقينـا عراميــش
ما شوف غير القوبعة والكحالي***وزرق الثعال اللي سواة القرافيـش
عزي لحالك يازميـلي وحـالي***بارض الرحيل نفتش القشـع تفتيش
والله يلولا الطير بالقلب غـالي***اني لاجوز من العنا والمطـــاريش
لاكان حب الطير شارك اعيالي***ولو ما تسلى بالولع كيف اباعيـش
والله ماني عن غلا الطير سالي***لو نعلفه من بارد الخبز والعيــش
لوكان للخارج نشد الرحالي***وندفع على شانه ضريبة وبخشـيش
وتقبلوا تحياتي
القيض راح وبرّدن الليالي
العرض الشجري