إفجوج صدري كانت البارح اوسـاع
ليـن ابتـدا فجر الغرابيـل بطـلـوع
وليا ظهرت شمس الحقيقه على القاع
و عرفت باني كنت بالوقـت مخـدوع
ومن الندم عضيت على روس الأصبـاع
واخذت من كاس الحسافات قرطـوع
ويوم إن مفتاح الفرج من يدي ضـاع
وحبل الرجا بالياس قد صار مقطـوع
رقا بي الهاجس على رجـم الاوجـاع
فـي راس مرقـاب المعانـات و اروع
وجلست اطالع كيف وش لون الاوضاع
واراجع اللي فات موضوع موضـوع
ونسنس من الذكرى على البال ذعذاع
وحرك الـ هم ٍ داخـل القلـب مـزروع
وشبت لهايب نارمن بيـن الأضـلاع
عجزت تطفيها مـن اعيونـي إدمـوع
والله ماكـن القـدم تحتـهـا قــاع
من ضيق ٍ بصدري غدى اليوم مجموع
ماكنت احسب الوقت بيكـون خـداع
تغيب به شمس ٍ وتطفي بـه إشمـوع
فليت لأمالي وسـط بحـره إشـراع
وطارت به رياحه بعد كان مرفـوع
إفجوج صدري
العرض الشجري