القلب عاندني وانا احترت وياه

(((القلب عاندني وانا احترت واياه )))

قــالو تصــبر والصبــر فيــه مــنجـاه ......... ومـن لا اســطبر كاس الندامــه شربــــها

قلــت الصبـر ياناس مـــا والله اقـواه ....... وكنــي علـــى نيـــــــران حـــامــي لهبـــــها

مثل المريض اللي حـلا النوم ماجاه ........ تســــهر اعـــيونه مــــا يطبـــق هـــدبــــــها

مـن علـةً مــا فـادها الطـب وانــهاه .......... خفـــيـــــةً مـــا ينــعرف وش ســـــــــــببهــا

كـم من طبيبً حــــاول وخاب مسعاه ......... عـــقب الاشــــــــعه للعــــروق وعصـــــبها

حـــلل وثــم خــطط ولا حصـــل ادواه ......... وتــقريــــر يـــأســــه بالعــــــــــريضه كتبها

وكــم شـيخ يقرا بالطلاسيم ماابــراه ......... خابـــت اجـــــهوده وانـغـــــلب مـــا غــــلبها

يـــطوح الونــات مــن كبــر بــــــلــواه ......... مــحتار ينــشــد عــن تــــوالـــي نشــــــبها

القلــب عـــــادني وانـــا احترت ويـــاه ......... ونصـيحتـــي فــي عـــرض حيـــطه ضربها

لاشــك عذلتــــه عن مســيره وممشاه ......... عــانــد وعيــا والنـــــصايـــح شـــــــجــبها

مــا طاعنــي ياحــيف يــــومنــي انهاه ............ والجــــوله اللـــي جـــال فيــــها كســــبها

امــره عــجيب وحيــر الفكـــر واغـــواه .......... لــه غــايةً تــصعب علــى اللـــي طلـــبها

يبـغا وليـــفً لــوعه طــول فـــــرقــــاه ........... والنفـــس عــــقبه مـــا اتــــواطن طــربها

الصاحــب اللــي تــل قلبـــي وعنــــــــاه ......... غـــروً ولـــه دقــــــات نبضــــــه وهبـــــها

يقــودني لــه شـــوق يحـــرق خــــــفاياه ........ حــريقً نارً يـــــوم تــاكـــــل حطــــــــــــبها

غــروً مـلك روحــي كما يمـــلك الشـــاه ......... اوطان فـــارس مــــع خـــزايــــن ذهــــبها

حبــه تربــع بوســـط الجــاش واقصــاه ......... وكــــــــل الاســـــماء الاوليـــه شـــــــطبها

هيمـــن على قلبــــي وانـا اذعنت لـرياه ........ ولا همنـــي نــــصح البشــر او غضـــــبها

فـي ديـــرةً باســـم الهواشــم امســـــماه .......... قـــرب الفديــــن اللــــي تــــغيــــب لقــــبها

شــمالي مــن ارحاب مــنزل دنـــايــاه ......... .راس الشـــفا مــن فـــوق منـــزل عــــــربها

حــمولةً يــرهم لهـــا النعـــــم والجـاه .......... مـن لابــةً اجـJJوادً ينـــومس نســــــــــــــبها

زبــن الدخيــل اللــي تربص به اعداه .......... مــاخـابت الهقـــــوات يــــــــــــوم انتــــخبها

مــــعهم هوى بالي وانا ازريت لاانساه ........ والبيـــض غـــــيره خـــافقــــي مــا رغــبها

حبــي لــه اصفـــى من اعدودً امــــعذاه ........... ماهــــي ارســـوسً ما يـــسرك ســربها

ودي ابخلــي يــاهــل العــرف وابغــــاه ........ بنفـــسً عـــفيفه ما اخــــرجت عـــن أدبـــها

وانــا اشـــــهـــد ان الحب هـــمً ومأساه ........ مأســــاة غـــزه يــــوم يـــــذبــــح شـــــعبها

هـــذا الــذي تــل الخفـــوق وتـــــولاه ......... .مـــن دون ذنـــــب وزلـــــةً يـــــرتـــــــكبـها

ويــا اللـــه تــجمعنـــي على خيـر وياه ........ وياللــــــه نفـــــــــــسي لا اتخــــيب تعـــــــبها

مــــــحمد بــن ســــــــــــــوعان الربيــــــــــع