قلي هلا ... واقول صبحك بالخير

قلي هلا واقول صبحـك بالخيـر
قل مرحبا واقول ياروح روحـي
يا بو ثمانـن بالمبيسـم مغاتيـر
اغليك وانت اللي تسبب جروحـي
جاوبت من فرقاك خلج على ضير
وناديت باسمك والمخاليق توحـي
حيثك هواي من البنـي الغناديـر
واليا عذلني واحدن قلت موحـي
اغليك ماطاوعت عـذال ومشيـر
وحياة من مشا السفينـه بنوحـي
قلبي على لاماك يكفخ كما الطيـر
ماعدلت روعات قلبـي فروحـي
ورجلي تزيد المشي يمك بتصخير
ولا تعدت يـم غيـرك شبوحـي
وهموم قلبي منك ورد ومصاديـر
اكن عبراتـي ودمعـي يفوحـي
وشجابني لولا ان هـذي مقاديـر
الا انها كتبـت بلوحـك ولوحـي