ليت العقول اتباع وسط الدكاكين

[poem=font=",6,indigo,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ليت العقول اتباع وسط الدكاكين=واختار لي منهن عقول لبايب
عقل اريد اهديه لصاحب الزين=اللي هجرني دون ذنب وسبايب
يمكن يحس ويذكر اشهور وسنين=بالوجه انا وياه كنا حبايب
وعقل اريد اهديه راع الملايين=اللي اهله وربعته في كرايب
يمكن يحس ويلتفت للمساكين=ملعون مال مايعز القرايب
وعقل اريد اهديه بنت الشريفين=اللي شغلها حب فاسد وخايب
يمكن تحس وتقفل الباب ذلحين=يالعنبو حب يجيب المعايب
وعقول باهديها لبعض السلاطين=الشعب ممنهم وزادو نهايب
يمكن يحسو قبل لاتحل حطين=اكبر غبي من لايهاب العقايب
[/poem]