اذا المراجل لبس شماغ وعقال

[align=center]اذا المراجل لبس شماغ وعقال
________________________________________


[poem=font="Simplified Arabic,6,darkblue,bold,italic" bkcolor="chocolate" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
إذا المراجل لبسة شمـاغ وعقـال=قـل للعـذارى يلبسـنّ العمـايـم

ما عاد يفرق زول حرمه ورجـال=دام الفعايـل تشبـه البعـض دايـم

المرجله مـا هيـب كلمـه وتنقـال=وتروح ما راحت هبـوب النسايـم

وإلا خشونة صوت أو رفع الأثقـال=أو رزة صـدور وفعـل الـزلايـم

ولا هي بعد مفتاح موتـر وجـوال=وإلا ردى لسانـن حديثـه شتـايـم

المرجله شيمه عـن القيـل والقـال=رفيع نفس (ن) حـر بالجـو حايـم

المرجله عقـلٍ وزن وزنـه جبـال=ودون العقـل وش فرقنـا والبهايـم

يا مسندي لو مايل الوقت بي مـال=يا ولد أبويـه يـا عظيـم العزايـم

يا معرب الجدين من العم والخـال=يا نخوة المفـزوع وقـت الهزايـم

المرجله يا خوي هي طولـة البـال=هي العزم هـي الصبـر فالظلايـم

فيها الكـرم عـزه دلـه وفنجـال=فيها الكرامه عن ردى الطبـع شايـم

والدين لامنه خـذا القلـب منـزال=مشى طريق الحـق وابليـس نايـم

ومن لا عرف ربه في طيب الحـال=لابد وقـت الضيـق بالهـم هايـم

حتى صلاتك مع جماعات ورجـال=يا عظم أجرك بيـن ساجـد وقايـم

ولا من رفع ربي له كـل الأعمـال=حسن الذكر لا قالـو فـلان صايـم

وخلك شريف القصد يا طيب الفـال=سوء المقاصـد فالبيـوت الهدايـم

واحذر تبيع النفس في دب الأنـذال=وتتبع خـوي إبليـس راع النمايـم

النفس خيل لـك إذا كنـت خيّـال=ومن لا قوى نفسه قوتـه الهزايـم

ولا صرت ما تدري ليش أنت رجال=والله خسـارة فيـك ذبـح التمايـم[/poem][/align]


منقول