وصخ دنيا وفرحه في يد الانذال

تراه الا وصخ دنيا وفرحه في يد الانذال
لو به خير ما مات الرسول بدرع مأسوره

كأنّه مصدر القوّ الوحيد بعالم الجهّال
وكل واحد وفي نفسه كنوز وما لعب دوره

ولكني أحشْم النفس ولا اشكي رداة الحال
مدام ان القناعه كنز ما يفنى يا بو نوره

إذا ما عشت فالدنيا ابي عيشه بدون اموال
ولا ربي يحاسبني على دفتر وفاتوره

وصحيح اخطي وفيني اذنوب واسلاها من الاهمال
وعيني ابذ الجزيرة تشوف طيف ايمان بنوره

واعيد اقول ان المال يميل بميلته لا مال
بدون اخلاق وش يسوى الغني لو تعكس الصوره

وقد ما حسّ في قلبي بنهتّه وضيقة بال
ولا اسوأ من احساس الفقير بنفس مكسوره



~~ نصيحه ~~

لا تقرب الملّاش ابو اطباع عفنه
اللي يجيك بلون ويروح في لون

الميت اكرامه تعجّل بدفنه
وانا دفنت احياء قبل ٍ يموتون

ولو الكرامه تالي الوقت حفنه
حافظ عليها يالسنافي ولا تهون

واكثر لغه في عين الانسان ( جفنه )
وهي في النهايه كلها عيون وجفون


~~~~~~~~~~~~~~~


ريمية ٍ شفتها بالعين
بنت المدارس وفي رحله

في خدها زهرة اليسمين
وفي عينها تدعج الكحله

كنها حفيدة ابن حثلين
لا جاه ضيفه بيذبح له


قالت ابويه يحمل الدين
والحر اشّر ولوّح له

والاردن اللي غدا مسكين
بالحضن كل ٍ يمرجح له

لو تنزل اسعار هالبنزين
الحين ما شي نفرح له

كله ولا السيف ابو حدين
واصخيّفه كنها النحله

وما تختلف بالعقول اثنين
الله ولا آخر الرحله


آخر الرحله مأساه