للعذب عذب وللهماج هماج

من له على درب الفهام مداج
لاشكّ تلقالك معاه خراج


ومن له على درب المعاثير خطوة ٍ
يلطم لك اوجية الرجال مزاج

اعطاك من كثر الحكي دون فايده
وسّوالك علوم الحرار دجاج


لاعنده الحكمه ولا عنده السنع
دلّال ولسانه لسان حراج


عندي لمثله شربة ٍ ما يغبها
للعذب عذب وللهماج هماج


ترى الكلام الزين هو ملحة الحكي
والصمت خير وللحكيمين علاج


تمنى ابو زيد الهلالي من المنى
طول الرقاب ولا يقول عواج

التقوى التقوى من الهرج واللغى
عدّل لسانك فالكلام مراج


واسمع نصيحة واحد ٍ جرّب العرب
قطع مشاوير الحياه و داج


ما يكمل الانسان لو يبلغ العلا
ولاعجّ الا مقتفيه عجاج