ايّاك تسقط من عيون الرجاجيل

أيّاك تسقط من عيون الرجاجيل () وايّاك لاتسقط من احدى عيونك
ان كان وجهك من وجيه البهاديل()ابشرك يا كثر من يحقرونك
واد النمل مافيه غير التفاشيل()و واد الذئاب اللي يداوي طعونك
من كثر ما شافت عيوني مداهيل() يا راس عيطا ليتهم يدهلونك
وان شفت عزّ الخيل في حذوة الخيل() آمنت ان الخيل بتموت دونك
وعيال عمك ويل واقطع من الويل() على البساط الاحمدي يحسدونك
لو كنت نجم ايشعّ وارفع من اسهيل() عيال عمك موتهم يفشلونك
و لو ان قلّ الحيل والحط والشيل () ما كان اقزام العرب ياصلونك
لا صرت ما انت بفحل تبقى افحيحيل () ربعك وهم ربعك ترى يهتمونك
والمرجله ماهي بكبر المعاميل() ولاهيب كثر اصحابك اللي يجونك
المرجله لا شفت ربعك حلاحيل () وان جيتهم في طيبهم يذبحونك
واللي يحطون ابطريقك عراقيل () تابع مسيرك وانتبه يحبطونك
صبرك على صاحب يخاويك في ليل () ابرك من ارخوم ٍ ولا ينفعونك
وبسمه رزينه في وجيه المشاكيل () تسوى عشا لو ماتقلط اصحونك
و وجه ٍ يجّعده الزمن فالغرابيل () آخير من وجه ٍ يجيك ويخونك
وبعض الدموع اتذلّ منها المناديل () لكن نزلتها بتكسر عيونك