ما باقي الا يوم ويشرف الضيف
ـــــــــــــــــــــــــــــــــــ ضيف ٍ على الموعد يجينا زياره
في كل عام بدون عذر ٍ وتصريف
ــــــــــــــــــــــــــــــــــــــ وامة محمد كلها بنتظاره
نستقبله بقلوب تسمو عن الزيف
ــــــــــــــــــــــــــــــــ وبشوق وبلهفه وحب وحراره
بحلالنا ينزل شهر فيه تشريف
ـــــــــــــــــــــــــــــــــــ يزيدنا عفه وصبر وطهاره
يجمع شتات الشمل جمع المواليف
ـــــــــــــــــــــــــــــــــ على المحبه والتسامح شعاره
من قام في واجبه للعز والريف
ـــــــــــــــــــــــــــــــ واللي به اردا راح وقته خساره
ما ينفعه كثر الندم والتحاسيف
ـــــــــــــــــــــــــــ فرصته ضاعت منه في وسط داره
فرصه يتوب ويطلب الرب ويقيف
ـــــــــــــــــــــــــــــــــــ عن الخطايا وايتغير مساره
هذا شهر رحمه فريد التواصيف
ــــــــــــــــــــــــــــــــــ كريم ومبارك ربيع الفقاره
هذا ارمضان ان كان تبغى المشاريف
ـــــــــــــــــــــــــــــ جيد العمل والحر يملك قراره
مبروك من بين الحشا والسراجيف
ـــــــــــــــــــــــــــ بقدوم ضيف ٍ والتسامح شعاره
الضيف .
العرض الشجري