طبعي كذا لامشيـت اميـل عقالـي

[poem=font="Simplified Arabic,5,black,normal,italic" bkcolor="transparent" bkimage="../backgrounds/17.gif" border="none,4,gray" type=0 line=0 align=center use=ex num="0,black"]

من دون مجد القبيله يرخص الغالـي=اسوق روحي وروح عناد واخوانـه
تكفون نبغاه يبقـى شامخـن عالـي=من فهرس المجد له صفحه وله خانه
حلفت باللي على كل البشـر والـي=المعطي المانـع المعبـود سبحانـه
لو اجرع المر قلت المـر ذا حالـي=اليا رقص فوق مادالشـر شيطانـه
حنا هل السيف من مبطي ولازالـي=والطيب حنا هله والشعـر فرسانـه
شرابة الدم فـي ساعـة الاهوالـي=يوم الردي منطوي مابيـن جدرانـه
اضحك على الجرح واستهتر بغربالي=واستعبد الشعر من معنـاه لاوزانـه
اسياد حنـا تـرا مـن اول وتالـي=افعال يوم الردي فعله مـن السانـه
طبعي كذا لامشيـت اميـل عقالـي=وراسي بخمر المراجل داخله حانـه
شريف جدي بعد وتشـرف افعالـي=وغنى لي المجـد يادانـه ويادانـه [/poem]


للشاعر \محمد بن فياض الدماني