قصيدة الشــــيخ رثعان الماضي(المهرة)

قصيدة الشـــــــــــــــــيخ رثعان الماضــــــــــــــــــــــي (المهـــــــــــرة)
أرقبت أنا رجم طويل و منقــــــــاد

رجم ما يرقبه كود المــــــــــــعادي

يا طير ياللي للفضـــــــــــيات رواد

ياللي عيونك شايحه للـــــــــــبلادي

عينت ركبن من هل الجوف مــــداد

بين الجثوم وبين خشم الحـــــمادي

تـعــــتــنا يا خلف بي بعد الـــــــبلاد

نلحقك فوق ظهور الرمك والنجادي

تعـــتــــنا بيوم شيبه ليا عــــــــــــاد

حان الوفا يا مدورين الــــــــسدادي

ذبـــــاحة البارد على الخبز والـــزاد

الله يرميكم ولي العــــــــــــــــــبادي

منيعــــنا حنا على فراش ووســــــاد

نمشي على اللي بين الاجواد سادي

يا مهرتي يا شيب عيني ليا عــــــــاد

يا شيب عيني كان مانتي مـــــرادي

ان كان مانتي طوعت الراس مــسناد

البر ما له فادتــــن يا جــــــــــــوادي

انتي من اللي شوفهن جازين غــــــاد

والا من اللي يدورن المـــــــــــــبادي

ودي وكــــانـــــه جـتــــــلي بـــالاوداد

انك من اللي يدمرون الطــــــــــرادي

ودي ليا التمت حويطـــــــــــات وطراد

وجموع ما يوحي بطرفها المــــنادي

للمنتحي نرمي على البير مــــيـــــــعاد

ليا ما تجمع كل سمو البــــــــــوادي



وشفي ليا لحقو سربة شكلت أكــــــراد

وبايمانهم حدب السيوف الهنــــادي

السربه اللي معهم رميح وطـــــــــــراد

اللي عليكم خابرين المعــــــــــــادي

تجمعت من باب غزة ليا مــــعــــــــــاد

مثل سعاع الجيج ما له اعــــــدادي

دزالسبور وقالوا الدبش قـــــــــــــــــاد

وانباح سد مهارها والعـــــــــــوادي

ومن صقر بولد البوم ما صــــــــــــــاد

واللي صقر بمخضب الكف صـــادي

البيض على عضيب قطعن الاجـــــــعاد

عقب القرنفل غطسن بالســــــــوادي

ما هي سوالف مسرد ما بها اوكـــــــاد

يودع علوم الزرق مثل الوكــــــادي

خطو الولد ما رافق الهجن باوعـــــــاد

ولا ذاق لذ الميركة والشـــــــــــدادي

يتلى هوى نفسه وياكل من الــــــــــزاد

عند الحليله رابعٍ للهـــــــــــــــــوادي

ويا محلى السرى من عقب الاهــــــجاد

أخير عندي من لذيذ الوســـــــــــادي

وحلالنا ما هو بارث ولا تـــــــــــــــــلاد

مثل معاش الذيب صادر وعــــــــادي

نصيد بالغرات ومرات ننصـــــــــــــــــاد

ومن صاد بالغرات لازم يصــــــــادي

ولو المراجل حاشها كل مـــــــــــــن راد

ما صار بعيال الحمايل نــــــــــــوادي