[align=center]قصيدة يشعر المرء وهو يقرأها
بأنه يطل من شرفة على أجمل ذكرياته ، أو على
ماكان جميلا ً لو أنها من ذكرياته !
اخيرا اود التنبيه إلى أن القصيدة للشاعر المعروف
محمد النفيعي / في أكثر من مصدر / ..
عهدي بهـا قـدّام تلبـس عبايـه
........................................وأنا بعد قبل البس شمـاغ وعقـال
طفلين نتهجّـى حـروف البدايـه
.........................................الله ياماأجمـل سواليـف الاطفـال
كانت لنا في كـل شـارع حكايـه
...........................................وكنّا نقول علوم ماهيـب تنقـال
وكنت اتقاسـم مامعاهـا معايـه
......................................من(عسكريم) التوت للعلك ابوريال !
وكانت بعكسي شاطره في القرايـه !
............................................تقرأ جـزء عـمّ وطـه والانفـال
وأنا لـك الله مـن مـواري غبايـه
........................................مدري ابو نقطه هو الـذال او دال !!
وكانت لابويه تشتكي من شقايـه !
.......................................وتعلّمه كيف اربط البـاب بحبـال !
ياما على ظهري كسر من عصايـه !
.....................................يقول لي:خلّك وأنا ابـوك رجّـال !
وامي تقـول:ادع لولـدك الهدايـه
...................................خوفي تصيبه كثرة الضرب بهبـال !
لاشفتها مـع اول الـدرب جايـه
....................................مدري أنا اللي ملت ولاّ الوطا مال !!
احسّ قلبـي يرتجـف فـي حشايـه
..........................................ماكنّه الاّ الضيف لاهـزّ فنجـال !
ياما عن"السّعلـي" تخبّـت ورايـه !
........................................لاخوفوها فيه ثم شافـت ظـلال !!
تقول:خلّـك يامحـمـد معـايـه
................................زواسّتانس العب عندها دور الابطال !
وآغار حتّى مـن عيـون اصدقايـه
...................................لاطالعوها قلت:تكفون ياعيـال !!
الشاعر محمد النفيعي[/align]
المواضيع المتشابهه
عهدي بها قدام تلبس عبايه !!
العرض الشجري