قصيدة واحد حق ترقيم خخخخخخخخ

الصــراحة اعجبتني القصيدة هذي في منتدي قلت انقلها لكم

وياريت كل اللي يقراها يقولي رأيه




اتعبني الترقيـم مـن سـوق فـي سـوق
كنـي موظـف فـي حراسـات الأسـواق

لزقـت فيهـا لزقـة علـوك ( باطـوق )
حتـى عرفنـي كـل بـايـع وســواق

مـن شافنـي يقـول تاجـر ومـرمـوق
في اللبـس انـا رسمـي ورايـق وذواق

وانـا منتـف فـي الحقيقـة ومـزنـوق
حظـي مجنـب بـي عـن دروب الأرزاق


عقلـي مـن الخفـرات لاذع ومـحـروق
من يفتحون السـوق وانـا علـى سـاق

الحـق بنـات النـاس هايـم ومطفـوق
ومخبـاي مليانـه مـن أركــان الأوراق


شبّكت ( هند ) و( ريم ) والثالثة ( شوق )
والرابعة والخامسة ( وعد ) و ( أشواق )

دايـم وجوالـي عـلـى الآذن ملـصـوق
محبوبتـي مـا تحتمـل بعـد وإفــراق




تقول ( ثامر ) وإسمي الصدق ( مـرزوق)
لا يابعد ( ثامر ) و( مرزوق) و ( إسحاق )

ألعـب عليهـا لعـب عاشـق بمعشـوق
وأبني بـراس الحلـوه جسـور وأنفـاق

هذي ... سلوم اهل الهـوى كلهـا بـوق
أكثر ضحايا النـاس فـي الوقـت عشـاق