"شامه وناموس"

الاهداء الى زمن الشموخ وقمة جبل شار

[poem=font="Simplified Arabic*4*blue*bold*normal" bkcolor="transparent" bkimage="backgrounds/19.gif" border="none*4*gray" type=2 line=0 align=center use=ex num="0*black"]

ياهل الدروع اللي توجه على الروس= روس الجبال الشامخات المنيفه

اللي عليها بيرق العز مغروس=العام يوم ان الليالي كليفه

في خدها للمجد شامه وناموس= وتاريخ باقي للرجال العفيفه

ماشالته ريح الخماسين والكوس=عاصي على ضروف الزمان العنيفه

لوتقدره يد الزمن داسته دوس=عالي شموخه عالنفوس الضعيفه

نجم على هام السحايب وناقوس= منير لو كانت ليالي كفيفه

وياصاحبي ياشايل السيف والقوس= ريح ركابك خل نفسك لطيفه

وارتاح دام العلم ثابت ومدروس= وروّح مسامَح مانبي لك حليفه

لاتحسبنك تشتري المجد بفلوس= بالمال ماتشرى الرجال الشريفه

ولاسرت ماتقدر على مصادم الروس= اكيد ماترقى الجبال المنيفه[/poem]