من يستضيف

يالطعون اللي لفيتي باستضيفك
بس سالتي قبل تلفي وين تلفي
مالفى يمك من الخافق رسول
ان سكانه طعون
وان قلبي يعتذر ما يستضيفك
حتى لوني استضيفك
ماهو لاجل انه بخيل
لاحشى اكرم من ايدين الطعون
ولاهو لاجل الطعنه اللي زارته تهوى السكون
ولاهو لاجل انك جهلتي من يكون
يالطعون النصر ماهو لك حليف
يالطعون الكل من حولك طعون ما تحركه الطعون
اهتمام الكل هو بس الرغيف.........
من القوي الى الضعيف.. ماهو لاجل انه كفيف..كلنا والله نشوف
ويمكن انّا نحسد احيان الكفيف... مانبي عين الحزين
مانبي عين تشوف ......
... ودنا هذي العيون .. عين تنظر للغنيمة ... وغيرها ماعطته قيمة..
حتى دمعات الحزين ....آه ياذاك الحزين ....
مابقى مايخسرة ذاك الحزين..
وش بقى والقدس فيها يعبثون ..........
وش شجون......... والدنايا ينهبون............
وش طعونٍ بعدها يامسلمين..
ومن بقى فينا يحسّب للطعون .......!
ومن بقى ما اشتكت منه العيون......!
ومن بقى ما شاف منهم يشتكون....!



وشاف مجد ينهبه ذاك الضعيف...
وشاف حرمه تنتهك لو قال حيف.........
قال حيف ...............آه حيف.. بس حيف
وشاف جوع كانه الآم البشر
ماشي فوق الرصيف......
شاف غيمه مارجى منها المطر
كانت الغيمه دخان... كان ملجأ وانفجر
ماهي غيمه للمطر... مطر!... آه وينك يا المطر
وامنين والغيمه طعون ......والمطر كله من دموع العيون
والدموع انواع في فصل الخريف
بس جفت مابقت حتى الدموع...
ولا بقى لك يالطعون من البشر من يستضيفك
كل همه بالرغيف.........حتى لوهو قال حيف..
شفتي ليه الحين ماحد يستضيفك...
شفتي ليه الحين ماصرتي طعون....
هذا لان اسمك تغير.. ما بقى اسمك طعون...
صرتي لقطه ...في مساء التاسعه
بين الغواني.............. ضائعه
من بقى لك يستضيف..
غير شاعر ............ ينظم الطعنه قصيد
يعني متعه ...لا تحل ولا تفيد
ويطلب الجمهور للشاعر يعيد......... يطلبو منه المزيد
يرتفع معه الحماس ثم يذبل من جديد ...لاحبسو عنه الرغيف
آه حيف ثم حيف......مايعيش الا الكلام ...ياسلام... ويا سلام
سلمولي عالكلام ...
يمكن ان الحل بيدين القصيد...
فاطلبوا من كل شاعر لاذكر ذيك الطعون.. اطلبوا منه يعيد
ولا تطرون الرغيف ...... يمكن ان الحل بيدين القصيد

عبدالرحمن ابو قويني