الــــــــــــرنج

والله يا لولا الله واخشى مـن العيـب

لا جيبن الرنج الخضر مـن معاشـي

وان ضاق صدري قلت هاتوا لي الجيب

وشلتـن معاميلـي وشلتـن فراشـي

ودقيت سلفـه وارتعـد كنـه الذيـب

معا غروب الشمس شـاف المواشـي

وأعطيت بـه فـج بعيـد المشاريـب

قفـر خـلا للـروح فيهـا انتعاشـي

لا فات نصف الليـل حـروه وتقريـب

على شعاع النـور شفـت القراشـي*

وضح عليهـا مطرقيـن* ودباديـب*

كنهـا نجـوم لا حجبهـا رشـاشـي

شبيـت نـاري والنجـوم المراقيـب

كنهـا تقـول الليـل قـرب التلاشـي

وسويت فنجال بـه الكيـف والطيـب

يبعد عماس اللي مـن البعـد ماشـي

وطاب السمر بعد السهـر والتعاجيـب

لولا ان خلي حـرك شجـون جاشـي

يـا ليتنـي ويـاه ضيـف ومعازيـب

طول الدهر ومشـارك فـي المعاشـي

الغالي اللـي عـذب القلـب تعذيـب

حبه تزايد بالحشـا وصـف طاشـي*

أصيح بأعلى الصوت وأرقا المراقيـب

وأقـول هـو خلـي وغيـره بلاشـي

*القــراش ...
مصطلح عند البادية تعني الإبل
*مطرقين ...
وسم لقبيلة ال علي من القرشه من بني خالد
*الدباديب...
جرس صغير يعلق على الغالية المزيونه من الإبل ليحدث صوت إذا مشت
*الطاش....
البحر