الحناكيش
*فى شباب بتكلمو عن الشجاعة - الحنكوش عمل مداخلة
وقال ليهم :
انا كنت ماشى مع حنان اختى و حمادة أخوي و حنان اختى لاقتنا غنماية
ولا عملت لينا حااااااااااااااااااااااجة.
** حنكوش فى بورتسودان شاف بتاع اللبن من الصبح قال لى جدو .... شوف ديل بيبيعو اللبن بى انبوبة الغااااز.
* حنكوشة بتتونس مع صحبتا قالت ليها ما شفتى ( جيمى) اخوى ، ما جاااااااتو حساسية . سفرناهو القاهرة ما نفع ، سفرناهو لندن ما نفع ، سفرناهو اى مكان ما نفع ..
قمنا جينا راجعين بيهو السودان ، قمت ليك زرزرتو .. زرزرتو تانى قمت زرزرتو ..زرزرة (تقصد كثرت الأسئلة وضغطت عليه ليعترف).
قام اعترف لى ...........
اتصورى طلع مصااااااااحب ليهو واحد من ام بدة<<<حي شعبي في .
نكـــــــــــــات حــــــــــــــلفاويين
النوبا
حلفاويين مشوا يصلوا صلاة الجمعة والمسجد كان من الزنك والكهرباء قاطعة والجو مسخن وكان امام المسجد من جماعة ادروب وقعد يخطب ويقوول
ان اخوانكم يموتون في العراق ا وانتم تجلسون
وانهم يموتون في افغانستان وكذلك تجلسون
ان اخوانكم يموتون في الشيشان وانتم تجلسون
المهم ادروب خلص الخطب ووقف عشان يصلى بالجماعة و يقيم الصلاة
قام واحد من اخوانا الحلفاوين وقال ليهو : هي شنو ما لسع النشرة الجوية
********************
حلفاوى قريبو اتوفى وهو ما كان بمشى صلاة الجماعة خالص * وبعد تجهيز جنازته شالوه للجامع القريب للصلاة عليه وعندما وصلوا باب المسجد أخونا الميت فتح رجلينو واعترض الباب وبقى يعاكسهم وما قدروا يدخلوه .. وفجأةً جاهم صاحبه جارى .. وقال ليهم نزلوه شوية .. ووسوس لصاحبه الميت فى اضناو !!!!! وصاحبنا الله يرحمه لم رجليه وسمح لهم بالدخول فى المسجد وصلوا عليه .. وبعد خروجهم سأل الحاضرين صديق الميت . يامهمد انت قلت للمصيبة دا شنو وطوالى لم رجليهو ووافق عشان يدخل المسجد .. قال : قلت له ياهليل يامرحوم انت مش رايح تصلى .. احنا اللى رايحيـن نصلى عليك.
الحناكيش
الحنكوش حسب النظرية الجسيمية الرمتالية المعدلة لسنة 1428 للعام الهجري 2007عقب الميلاد تنص فى الفقرة الثلاثين بعد المئة والتى تهتم بتعريف الحنكوش / الحنكوشة بانه ذلك الززززززوووول الذى لم يذق طعم البشتنه فى حياته الدنيا .. ولم يتمتع بمذاق الشلهتة فى مدافرات مواصلات الكلاكلة القبة ... ولم يستمتع بسكن رواكيب الحاج يوسف التى لا تقى حرارة الشمس ولا تغنى عن زمهرير الشتاء .. وقضى جميع مراحله التعليمية فى المدارس غير الحكومية ذات الطوابق المتعددة والبلدان العربية ذات الرفاهية المطلقة.. والمكيفات ذات الهمبريب الضاغط ...ولم يشرب من المياه سوى مياه سوبا الصحية صفات الحناكيش:-
الحناكيش ناس بابــــــــا و مامـــــــا وناس ال جلكسي جواهر و
البيرقر الجامبو وناس أحواض السباحة و لعب البلياردو وناس عمرودياب ونانسي عجرم وأخر غنية ل راغب علامة لسه ما حفظتها ... ناس حفلات إيهاب توفيق البي 300 الف جنية
ناس السحسحة والشخلعة ... ناس حمودي ما ضرب لي الليلة ولارسل لي رسالة ولا عمل لي مسكول أنوم كيف أنــــــــا الليلة
ناس العربات الكامري وميرسيدس 2007 وعربات ما عارفين عدلتها من قلبتها* راسها من قعرها؟ ناس الفلنتاين وعيد الزواج والحب باليل ناس الرفييرا وناس الغناء والرقيص بالجنبة
قالو فى بتين حنكوشات شديد واقفات قدام سنتر الجامعه فى الخرطوم المهم شاورو ليك لواحد بتاع تاكسى واقف يا عمو يا عمو لو سمحت عندنا مشوار ايوه يا بنات لكن اصلو الشارع الواقفين انتو فيهو دا اتجاه واحد ما بقدر اجيكم هناك تعالواقطعو الشارع و اوديكم مشواركم بس يا عمو الحته الى انت واقف فيها دى ياها ذاتا مشوارنا الدايرين نمشى ليهو
ولا لمن كان فى مظاهرات فى الخرطوم
قالوا بنات سستر اسكول طلعوا مظاهرات فى شارع النيل
وكانت هتافاتهم
مافيش زيتون ما فيش جبنه أونكل عمر ما عاجبنا
ولا التانى الشهاده العربيه يوم عيد الضحيه مشى لجزار عشان يضبح ليهم قال ليو : يا اونكل عليك الله موت لينا الخروف دا وقشرو وياريت لو فتفتو لينا مره واحده
بس ياعمو عليك الله الحاجات الجو بطنو دى مادايرنها اصلو نونو اذا شافته حيغمى عليها من الريحه
وبرضو فى حنكوشه ابوها مات ويوم البكا اتلمو وجوها الحناكيش اصحابه يعزوها.... بعد ما ما كل واحد وواحدة سلم عليها في جضمها...وقال ليها سوري... لانو ابوكي مات...اتلمو حولها........ وعلى طريقة الفوركاتس....هي تبكي وتغني وهم الكورس..
Dady…..Dady cool
Iam crazy دايره ابوي
What اسوي what اقول
Oh pls. don't leave
Pls. wait wait اقيف
كورس حناكيش
Dady Dady cool
Iam crazyدايرة ابوي
What اسوي what اقول
Oh*yes….wait wait
Pls. don't say ابيت
كورس حناكيش
Dady ..Dady cool
Iam crazy دايره ابوي
Whatاسوي what اقول
Dady Dady…honey honey
Who 'll give us money?
كورس حناكيش
Dady ..Dady cool
Iam crazy دايره ابوي
Whatاسوي whatاقول
You ride ليلى علوي
After you what اسوي
كورس حناكيش
Dady….Dady cool
Iam crazy دايرة ابوي
Whatاسوي whatاقول
Oh my fatherايس كريم
Ohالله لينا …..الله كريم
كورس حناكيش
Dady…day cool
Iam crazyدايرة بوي
What اسوي what اقول
Oh yes*حي وب... حي وب
Dady pepsi*dady suntop
كورس حناكيش
Dady …dady cool
Iam crazy دايرة ابوي
What اسوي what اقول
Oh sweet dady
Don't go بيغادي
كورس حناكيش
Dady …dady cool
Iam crazy دايرة ابوي
What اسوي what اقول
رايكم شنو يا اهلنا في الحناكيش والحنكوشات الحمد لله بطانة علي وحسان مافيها حناكيش كلهم دشنين.
نكات رباطابيــن
رباطابى وشايقى سكاهم مرفعين وقاموا جاريين والمرفعين وراهم وبعد مسافة قام الشايقى قال للرباطابى
ياخوى ما تشوف ليك تراب تكشح المرفعين دة قام الرباطابى قال ليه- وانت جارى فى برش ؟
رباطابى عنده لورى مسافر بيه وفى الطريق اللورى اتقلب قام جاء واحد شايقى ماشى قام سأل الرباطابى قال ليهو يا زول انت اللورى ده اتقلب قام الرباطابى قال ليهو لا أنا متاكيهو عشان أقعد فى ضله
رباطابي خنق فى الاكل قال لبنتة ادينى موية قالت ليه شراب يا ابوي؟ قال ليها لا كبسولات
واحد رباطابى رسلو ليهو جزمه جميله هديه قام سافر بيها الخرطوم وهناك انشرطت وداها لبتاع الجزم يخيطهاوقال ليهو مستعجل صاحبنا قال بعشرين الف جنيه قام الرباطابى قال ليهو ليه أ صلو بتخيطا بى بنج؟
رباطابي راكب حافلة 00جا ينزل طقطق للكمساري00الكمساري قال ليه داير تنزل الرباطابي قال ليه :لا بدور أجاوب
واحد رباطابي لابس نظارة لاقاهو شافع في الشارع قاليهو :يا أبنظارة نظارتك دي نظر قاليهو لأ!!!شم
واحد رباطابى معزوم عشاء مع واحد صاحبو مشى لقى الكهرباء قاطعة عن صاحبو قعدو يتونسو مسافة الرباطابى جاع جوعه شديدة قال لى صاحبو ياخى الزمن فات وانا جيعان ياخى طلع لينا العشاء داء صاحبو قال لية ياخى العشاء ما بطلع الا الكهرباء تجى... الرباطابى قال لى اصلو عشاء ولا شريط فديو
واحد رباطابي ركب قطر كريمة من الخرطوم للشمالية ، قام أعطي الكمساري ورقة فئة عشرة جنيه عشان الكمساري يرجع ليهو باقي التذكرة ، والكمساري كان ما عندو فكة ، ويمشي ويجي والرباطابي يراقبو وشفقان جدا علي باقي قروشو ، وكلما الكمساري يمر من عنده الرباطابي ينبهو :- ياخوي الباقي ....ياأخينا باقي العشرة جنيه .... ياأبن العم باقي قريشاتي ماتاكلني فيهن ....وكل مرة الكمسارى يقول ليهو : ياأخي أصبر لحدي ما نلقي فكة .... والرباطابي مصر على النبيح وملاحقة الكمسارى ، وفي منتصف المسافة ركب في القطر مفتش ، وكان لافي مع الكمسارى ولاحظ إلحاح الرباطابى ، فقام المفتش قال للرباطابي عشان يطمنو :- يا أخي ماتخاف علي باقيك ..... الزول داواصل معاك لآخر محطة، وهو راجل ثقة وأمين ومضمون جدا ، فرد عليهو الرباطابي :- طيب مادام هو راجل أمين وثقة ومضمون جدا .... إنت المركبك معاهو شنو ؟؟؟؟؟
بت رباطابية قالت لأبوها ابوى ابوى شوف الفار رد عليها يابت انا كديس ردت عليهو نان انا قت لك اوكلو
رباطابيه ذهبت المستشفى لعلاج بتها الصقيرة وهى صائمه وعند الرجوع بتها اصرت الا تشيلهافهى رفضضت بحجة انها صائم فردة بتها انا قلت ليك ضو قينى.
الغباء مشكلة
واحد غبي كل ما شاف البرق ابتسم ......... يحسب في أحد يصوره
واحد سأل غبي قال له : البنك فاتح ............. رد عليه لا غامق
واحد غبي سأله الأستاد من هو الحيوان الدي يصحينا لصلاة الفجر.......................... قال : ***
واحد غبي ضيع أمه في السوق راح سأل واحد:.... ما شفت وحدة تمشي .. ما معاها واحد يشبهني
أغبية يلعبون لعبة في نص الشارع السريع ..... اللي تصدمة السيارة مرتين يطلع خسران
واحد غبي راسة يوجعة بلع بندول ما لقى ماء .............راح تيمم
واحد غبي خلص من المباره راح قال لصاحب المقهى: هات لي واحد قهوه وسط و أثنين هجوم
أثنين أغبية راحوا حديقة الحيوان سأل الأول :ليش رقبة الزرافة طويله؟؟؟؟؟؟؟؟؟............رد عليه الثاني:
يا أهبل لأن راسها بعيد................
غبي سأله الطبيب: أمك حية ............ قال : لا عقرب ............ ضحك الدكتور و قاله : لا قصدي عايشة ؟؟
قال له : لا فوزية
قل العبارات التالية بسرعة
قمـيص نفـيـسـه نشـف
شـرشـفـنا مع شـريف وشـرشـف شـريف زي شـرشـفـنا
ذبحنا بقرتـنا وذبحوا بقـرة بارقبة طلعت مرقة بقرتـنا أحسن من مرقة بقـرة بارقبة
خمـيس خمش خشم حبش و حبش خمش خشم خمـيس
خـيـط حـرير على حـيـط خلـيل
كل أكلـة آكلـها كـلهـا كل يـوم أكلـة كلـوقـز
جحيره حفرت جحرا جاء جحير حفر جحرو فوق جحر جحيره خاطيه جحيره الحفرت جحرها ولا خاطيء جحير الحفر جحره فوق جحر جحيره
منقول
السودان في قلوب محبيه 
العرض الشجري