شنبك أللي تفاخر به جابته حرمه

تصيح تقول يا(حرمه) تحسب إنك تعايرنـي!!


..................................................شنبك اللي تفاخر به ترى اللي جابته حرمـه


تصدق كذبتك دايم مبـادئ حيـل تقهرنـي


..................................................نقص عقــلك مــع ديـنك ترى مليت ها لكلمـه


ياجاهل فتح عيونك ياويلك لـو تصاغرنـي


..................................................غضـب تهديدوإستلمّه وسمّه اللي تبي سمّه


أنا مليت من ظلمك يا(آدم) وش تصورنـي!!


..............................................أذا إني ناقصه بعينك وداعي منتهي الحكمه


تراني ساكته بكيفـي نصيحـه لاتفجرنـي


................................................غـضب شيـطان ماميـز مابين الخــال والعمـه


عيوبي طيبتي وقلبي حنان وشوق يجبرني


.................................................علي عكـس تجي قاسي وكلن راضي بسلمـه


حسافه وقتي الفايت تذكّر يوم تِسهِرني


.................................................علـــى قولة انا عاشق وحبك صابنـي سهمّـه


تذكّر يوم لي تركض تقول يازيـن آمرنـي


.................................................علـــى سنة رسول الله أشيـل الحمـل وآزمّـه


فرحت وقلت هذا اللي أبي في ظلّه يسترني


.................................................اذا ضــاقت بي الدنيا مسـح دمعاتـي بكمـه


ابي انسى به الدنيا وابي بالحب يشعرني


.................................................ابــيه يكــون لي فرحـه اذا زاد الزمـن همـه


لكن للأسف غلطـه وهـم كـذاب ساورنـي


..................................................جزاتي والثمن عمري وقتلت بخافقي حلمه


مــنــقــول

عبدالله الموسي