اولم العزبة

[poem=font=",6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الجود بير كل ماجم سالي=الجود عز ولا يورث خسارة
والبض ماتارد علية الجمالي=ومن لايعرف البض ينشد كبارة
اولم العزبة ليا ضاق بالي=واطفي لهيب حرق الروح نارة
زود الخوي اللي معي مايبالي=ورفقت الاجواد ساس التجارة
رجل يشيل خفافها والثقالي=اللي شعاري بالمراجل شعارة
من عقبها في ديرة الضيق مالي=الا اطلق الخطوات صوب الصدارة
للديرة اللي ماتفارق خيالي=يومي عليها ياخذ الفكر غارة
وليا وصلت اجدع بروس العوالي=في منزل فية البدن والوبارة
واشب ناري وادعي الخير فالي=واحط على النار الحلا والمرارة
في روضة فيها الحيا تملالي=فنجالها يطفي لهيب الحرارة
والجو يرعد من جنوب وشمالي=ولا ينعرف ليل السما من نهارة
حب الخلا هو المنا والمنالي=هو التقدم والفخر والحضارة
شوف الدبش واهل الدبش والمتالي=وشوف الربيع اللي يسرك خضارة
وربعي هم العزوة وهم راس مالي=سم الحريب ومن نخاهم نمارة
ربعي ذخيرة لو تجور الليالي=لو صار في خط الزمان استدارة
محد يقول ينوب هذا بدالي=وقت اللزوم الكل خابر مسارة
اهل الوفا نرخص لهم كل غالي=وعدوهم ياعل تمحل ديارة[/poem]