المحبه مات راعيها

يا روح روحي فداك العمر وسنيني
=لكن فرقاك تكفى لا تطريها
انت الذي من جميع الناس مشقيني
=والحاجه اللي تبي قلي واسويها
ان كان يا داعج الاعيان تغليني
=الروح شفها وش اللي صايرٍ فيها
ياما على شان شوفك تفرك يديني
=ويا ما على شانك الرجلين أعنيها
كلي جروحٍ ولا غيرك يداويني
=وأن كان خليتني منهو يداويها
على غلاكم وشوفك لا توصيني
=والا انت نفسك عليه ما تواصيها
منيب ناسيك لكن أنت ناسيني
=وشلون عشرة سنين العمر ناسيها
لا من ذكرتك يهل الدمع من عيني
=واخاف من هرجة العذال وأخفيها
اللي جرالي من اسبابك يكفيني
=عزالله ان المحبه مات راعيها

كلمات الشاعر السنافي

أختيار رائع

وقصيدة ولا اروع

تحياتي

يعطيك العافيه على الاختيار الرائع



تحيتي لك اخي

لك خالص شكري وتقديري يا ناسك على الاختيار الموفق

عبدالله الموسى , بن شاهين , النجم طليان المرادي

اشكــــــــــــــركم على المرور العطر

تحيـــــــــــاتي لكم