ياليل

.
.

كل عام وأنتم بخير

متواضعة من أقدم ما كتبت عسى أن تنال إعجابكم

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ياليل في عتمتك ما شفـت عسـاس=يطـرد ورى نوقـه ويطـرده عمـه
متهالـك ياليـل والفكـر محتـاس=و ظلم القرايب زود الكيـل غمـه
الدمع ينثر منة من كثـر الإتعـاس=لو هو جديد الثـوب مبلـول كمـه
كنه تساقط حب لولوا مـع مـاس=من كف نجلا طاح منهـا وتلمـه
والوجه يشرق نور من بين الأدماس= وإن صح لك ياليـل بالبـدر سمـه
راجيك أنا ياليل تضويـة نبـراس=يضوي على دار العزيـز ويعمـه
هذا خليل القلب من بيـن هالنـاس=وهذا الـذي بالحيـل قلبـي يهمـه
البارحة ويـاه والـرأس بالـرأس=يشكي علي الهم من جـور عمـه
واليوم مدري وين أرضً بهـا داس=يالله دخيلـك لا القرايـب تسـمـه
أشم عطره كل مـا هـب نسنـاس=وترك جميع الناس و أثـوع يمـه
وأركض وأنادي بين وديان وأطعاس=وأصعد عشانة كـل عليـا وقمـه
وأعود متهالـك وذابحنـي اليـأس=وأحس كـن القلـب بيجـف دمـه
لا صار شم العطر ماهو على ساس=مير البلا من الشوق كنـي أشمـه [/poem]