يا مشقي ٍ هالبال قبل ٍ تحوش الحوش
خذلك نفس وارتاح والروح نشطها
يلي تثور بالشعر غنم الخرطوش
وارحم قوارير الشعر يا مبقطها
هاتوا النفس حطوا على الشيشه الطربوش
ابحرق هموم ٍ عن النفس وابسطها
شايف همومي تكتسحني بدون جيوش
وانا على باب الوفا دوم اقلطها
على المحك النفس ولى على الشاكوش
قول الجروح الغامضه كيف اخيطها
اطلق حجاجك في فضا وجهي المبشوش
وصفر الشوارب واللحى لا تمشطها
محنا نجامل والمجامل يجي مغشوش
ومن غش نفسه دب الايام يصعطها
تعال انا ياهيه في منتدى المرعوش
هذي بحور الشعر شمر وبلطها
نقشتها في صفحته نقشة المنقوش
أعذى الورود اللي من الروض ألقطها
عند الشمالي ياولد ما يفيد الهوش
والفيل بآذانه عن الهرج يربطها
يبطي أوباما ما يرقع مصايب بوش
كل الشعوب الدالهه وين يغبطها
ترى الجلكسي غير عن طعم ماكنتوش
وترى العلوم الطيبه صعب تخلطها
اللي معنده شي فعلا ً ما يلزمهووووش
وحكيم نفسه حكمته ما يخربطها
لا تمدح الطاووس وتنفَش المنفوش
ما كل طير ٍ صفة الريش يصفطها
يااسكندر الدرزي وحوشك ماهن بوحوش
برقع قرانيسك ترى الخوف محبطها
يااسكندر الدرزي عرفتك قليل النوش
من هدتك والنفس حذرا تورطها
انا جناحي ستلته ستلة العكروش
المخلب اللي صكته ما يفرطها
ومزايان القيفان ومزاينات البوش
وبنت العبيه خابر ٍ وين مربطها
مانيب حامد زيد ولاني سعد علوش
مير الصحون الطائره جيت بلقطها
كثير من باع الاحاسيس لجل قروش
وقليل من خط القصايد وحنطها
اللي تشوفه ( طرطعه) طرطعة نفوش
بكره يفش وما درى كيف يضبطها
ترى حلات الشعر لا جا على المفروش
والفكره الصعبه معانا يبسطها
لو اجزل القيفان في عهنك المنفوش
تحطب شعر ما بي دفا من مشايطها
وش هو العقيد؟ اللي يبي سكنة الخربوش
وكيف القطامي تنعرضله ولا ينطها
دنيا إمعكوسه ياولد خوش والله خوش
مساعد الطيار فجأه يهبطها
ابيات جاتك مانبي ربشة المربوش
وانتا على ما تشتهي النفس فنطها
يا مبقطّها
العرض العادي
