هذه القصيده رديت بها على واحد في حدى المنتديات وتخبرون ما حيلة الضعيف والفاشل غير اللسان والسب
ردينا عليه وبدون ان نسبّه
يا بو الشيوخ الكيف لاحد ٍ يسويه
خلها علي القهوه الشاذليه
تكفووون هاتولي من اللي انا بيه
بآقنده وأحكّم الزمزميه
ترى سبيل العود انا معبيه
أوحي علومه قبل يومي عليه
ابوي دامه حي تبشر هقاويه
وان خيبت والله لقطع ايديه
ومدامها تكثر على المشاريه
باجي هنا واحل كل القضيه
العود وصاني وانا حيل مرضيه
والله يرضا من رضا والديه
ترى الكلام الزين محلا حكاويه
بين الرجال الطيبين السويه
ما اقول انا بلجم الرجل واثنيه
مدام ماتشره عليه الونيه
اظن كل ٍ فيه ياناس مافيه
محد ٍ سلم من غلطته والخطيه
يافلان كانك توحي العلم فوحيه
فل الحجاج وخل نفسك هديه
لا بيننا حاجه ولا دين نقضيه
ولا هي بتربطنا علاقه قويه
قريت لك جمله تبي حيل توذيه
واقولك خيووووه ليه الاذيه ؟
الطيب سندا واكثر الناس تخطيه
والدين حرم عيشة الجاهليه
القول هين والفعل كيف ننويه
ترى عيال الرجال فيهم احميه
الجمر ما وده من اللي يدفيه
وش جيب المسمار للجاذبيه
لا شك منهو يجهل الطير يشويه
ولا كل اكله تنوكل محلبيه
ترى الرجال اعيال تسع ٍ تواليه
وكل ٍ لبس ثوب ٍ وعنده هويه
عمري من الله والاجل منت راعيه
هدي وروق يا عزيزي شويه
هات البساط الاحمدي لا توديه
عارف كثير انفوسهم مشتهيه
ودي اجي بسلوب واضح وادعيه
ومن عادة الاجواد رد التحيه
كل ٍ يشوف الناس في طبع ياهيه
وكل واحد ٍ نعطيه حجمه اهنيه
المنتدى نادى وحنا نلبيه
والله يشهد ان مافيه نيه
المجلس اللي بالردى عيب ما اجيه
مالي ومال العالم الفوضويه
والمجلس اللي عالطخامه مراكيه
ما اقول غير الحق يالله انتحيه
المجلس اللي كل طيب يخطيه
ما تدهله غير الوجيه النقيه
دوك العلوم اللي من الراس تلفيه
وسلم عليهم كل صبح ومسيه
سلام احلا من العسل في مصافيه
واصدق واطهر من صدى الراعبيه
الشعر لو لجت علينا شواطيه
حنا المراكب والمراكب قويه
خطو الولد لا صار نفسه تمنيه
ما فاد عمره والليالي زريه
خطو الولد لا صار تقصر مراميه
ما افد ربعه والضماير غنيه
الحر تكبر يوم تنسر ثناديه
ولى غشيم الصيد وده رويه
ترى كبير القوم محنا نخطيه
نرفا الخطا والمبعده والقصيه
ترى الصدور اوسع ولا هي بتكفيه
يا مرحبا واهلين يالله ان تحيه
والثوب تكفي طيته عن مخابيه
وما قل دل وزايد الهرج سيه
خيووووه
العرض العادي
