الخريف يجرد الغصن الخضير
وتسقط الاوراق من عقب الصفار
والسيوف اللي تذلل بالجفير
تفضح الرجال في وضح النهار
والشريف يموت ويعيش الشرير
والحصان يجظ ويفوز.......
ولو تمادى الشر فالدنيا بخير
دام كار المرجله والطيب كار
واحترامي بمنحه حتى الصغير
وما علي من الشعار المستعار
الذليل يذل عمره بالاخير
والعزيز يعيش عمره بفتخار
لو اعيش العمر كله عالحصير
انه ابرك من مذله للدولار
والحقير يعيش من اجل الحقير
والغنى يدفع الى لعب القمار
والشموخ يروح لا راح الامير
والفساد يعم في كل الديار
والممات ان جاك ماله من نذير
والحياه مثل المحطه والقطار
عش حر وفارق الدنيا فقير
واطلب الله ستر من خلف الستار
والمحبه طير والفرقا غدير
والمواجع مثل طلقات العيار
والقناعه كنز بالشي اليسير
والامور تزين دايم بختصار
وانبعاج الوضع زلزال(ن) خطير
والكتامه قد تؤدي لنفجار
القليل المستمر ولا الكثير
والقلوب المؤمنه ولا النفار
ويش باقي غير تعذيب الضمير
ما تريح قلب ماله من قرار
ما كتبه الله يالغالي يصير
والمقدر ما يجي فيه انتظار
والنهايه غير تقرير المصير
والمحبه فوق جرف الانحدار
سامح الله قلب من حبك كسير
كان صادق ما على حبه غبار
الكبير يتم يا عمري كبير
ما يهون الحب بقلوب الكبار
وانت عندي غير يعني غير غير
والملامه عكس معنى الاعتذار
والله ان الموت بعدك يالعشير
ما اشوف الارض وغصون الخضار
يا حبيبي عشت والخافق اسير
وذقت طعم الموت قبل الاحتضار
جظ قلبي من جظيظ المستخير
وآه و ويلآه من جظ الحرار
مثل وغز الشوك في كبد البعير
ومثل قرص الشمس وقت الانكسار
ومثل طعم البرد بثم الزمهرير
ومثل غمضة عين والدنيا دمار
ويش ابشرح قصة الوضع المرير
وانت طيفك سار في عكس المدار
هدهداتك كنها حالة نفير
وتمتماتك تمتمات الابتكار
ومن كلامك تضحك الدنيا وتطير
واتزانك عقد الناس الكثار
وفي سكونك دمدمة حس الاثير
وفي شفاتك ترقص اوتار القيثار
فيك هيبه ولا هيبة مشير
وفيك حاجه تبعث احساس الوقار
والتفاتك كنه السيف الشطير
ومن يشوفك اعتفس ولى استثار
وارتعاشك رعشة الدمع الغزير
وامتدادك واختزالك انحسار
ومن زعلك اهتز هالطود العسير
هزهزت بغداد في وقت الحصار
انت قمه بالاثاره يا مثير
كن كلامك انتحار(ن) في انتحار
السراير تندفن في وسط بير
وانت سرك في عيون الاعتبار
شوم للي لا بغى القاله شوير
في حضوره فاحت دلال البهار
ابن شيخ(ن) في سعاطيره يجير
يفني الطليان من بعد الحوار
للزعامه تاج وللعليا سفير
وللمراجل درب وللشيخه منار
اشهدانك مثل نفحات العبير
واشهد انك تفضح الليل بنهار
إيه ميت فيك يالوجه المنير
يحسدوني الناس والدنيا تغار
والوداع اللي يسمونه اخير
حظ عاثر كل قومه بنهيار
يا حبيبي قبل تكميل المسير
يا تهد الزمل وتشد البكار
من بعدك الحب لا ما فيه خير
ومن بعد العيش عيش ابلا خيار
والهوى حطني على الثوب الحرير
والبلا هالحين يكسيني بعار
لا يهمك لو حكيت اني ضرير
خذ شوفي وذوق طعم الانتصار
منجلى ليل المواصل والهجير
ولا انقطع عقد الرجا عند الجدار
والله اللي عالم (ن) بي والخبير
من تيتم حبنا والقلب نار
مملكتنا لا امير ولا وزير
شفت ظيمي عقب عسفي للمهار
والكذب يمشي على الحبل القصير
واليمين آخير من درب اليسار
لا بغيت ارتاح عذبت الضمير
ولا بغيت انساك ضيعت المسار
المحبه طير والفرقا غدير
العرض العادي
