آه لو تدري وش سوى غيابـك فـي غيابـك
وآه لو تدري وش سويت لاجلك فـي غيابـي
أشهد إني كنت أفكر فيك وأطـرد فـي سرابـك
لين صرت اشوف مشروب الحقيقه في سرابـي
كني أقراإلا ذكرتـك فـي كتابـك فـي كتابـك
وأثرني اقراك في صفحـه ثمينـه مـن كتابـي
أدري إني أعشقـك واهـواك واتمنـى عتابـك
وأدري إني ما اقدر اسمٍِّعك كلمـه مـن عتابـي
صدقني ما اشتكي منك لو أحيـا فـي عذابـك
ولو قسيت يالحبيب ما اشتكي لك مـن عذابـي
أقتطفتك وردةٍِ حمـراء وفـي زهـرةشبابـك
واعتقد إني عطيتـك بالوفـاء زهـرة شبابـي
جسمك الريـان عـوده تايـق ومالـي ثيابـك
وفي عيونـك ودي أبقـى دايـمٍِ مالـي ثيابـي
كان فكرك في بحوري يا نظـر عينـي غدابـك
اعلم علـم اليقيـن إن الفكـر يمـك غدابـي
الهيام اللـي طـواك ويـم محبوبـك سرابـك
أشهد إنه قد طوى قلبـي ويمـك قـدسرابـي
هاجسي يا شوق قلبي في سمى فكري لفى بـك
وليت مهجوسك بذكرى في سما فكرك لفى بـي
لو لفيتيني بارحب يا هـلا بـك يـا هـلابـك
وليتني أسمع تراحيبك وقولـك يـا هـلا بـي
جيت لك باشواق قلبـي عانـي ودقيـت بابـك
وأنتظر شوقـك يجينـي عانـيٍ ويـدق بابـي
ودي أخذ كاس شهدك صافي وأشـرب شرابـك
ويا عساي أسقيك كاس الشهدمن صافي شرابي
ألف مره لاجل عينك في الهوى احسب حسابـك
والله أعلم كانك تحسبـ لي حسابي
في غيابك
رد: في غيابك
العرض العادي
