من بعد السجن

مانيب طراب ٍ ولانيب غناي
ولاني من اللي يطردون الغرامي

طبع الصراحه والوفا دوم مبداي
واللي عرفني شاف بعض انسجامي

ما تهمني اشياء ما تملك رضاي
ولا هيب تخدعني كبار الاسامي

أهم شي اكون واثق بممشاي
ولا احب شخصيه وفيها انفصامي

ان مدت حبال الرشا تغنم رشاي
واملاه يوم الرجال ماتوا مظامي

الذيب يغزي ويطوي الليل سراي
والذيب ما يخشى جناح الظلامي

والنقص عقده والكبر يمحق الراي
ياما رجال وما عليها زمامي

وعيب(ن) علي امشي ولا احسب اخطاي
والرجل ما يرجع بطيب الكلامي

والله ما يسمح ابد طيب مرباي
اني ابدل هالحلال بحرامي

للهرج بياع(ن) وللفعل شراي
وكل(ن) يدور له محل احترامي

ياما امور اسهل ولاشربة الماي
وياما امور اصعب وفيها انهزامي

أحيان اكون اقوى واحيان شكاي
وكله ولا اخلف بيوم التزامي

البعض يحسدني على كاسة الشاي
والبعض وده لو تحقق حلامي

المشكله مرات من شدت اعماي
اشفق على اللي شفت منه الخصامي

هذا انا وهذي حظوظي ودنياي
مدري علام الناس ولى علامي

يا بنت شوفيني مع الناس محلاي
يمكن تحبيني لاني نظامي

يا بنت شومي لي انا الطيب مرقاي
راس الطويله والمراجل مقامي

أسلا مع الاحزان واعزف مع الناي
واضحك بوجه الناس رغم انحطامي

واشوم واعط الخلق ثوبي مع اغطاي
واللي مشالي شبر جيته اقدامي

والفاهم اللي عايش الوقت نساي
ماله ومال الناس عند الزحامي

واشوف لي رجال مفلس وزباي
خلى السنع خلفه وقص العظامي

قولوله ان الوقت بالحيل شناي
يهجع بهالحمل الثقيل السنامي

كم واحد(ن) مديت له طيب يمناي
وعند اللوازم دس راس النعامي

المنجي الله واطلبه عند بلواي
لا يحيجني للناس لو هم احشامي

الناس ما تنفعك واسمع تعا جاي
الطق لآ زدته يفك اللحامي

والناس ماترضا ولو كنت هي هاي
ودها على قبرك ترز الخيامي

ما قلت لك عرواك هي غير عرواي
وان التغابي هو اساس الحرامي

ودورت لي رجال ياطا بماطاي
ما شفت غير اللي يقطع الرحامي

واليوم بطوي البيت واشيل مركاي
دام الحصن تطرد بليا خطامي

بكره القبر يصبح مقري وملفاي
وسلم على الدنيا كثير السلامي

يعطيك العافيه
تقبل مروري المتواضع
بانتظار المزيد
تحيااااااااااااااااتي