المـــــرجـلــــــه موكذااا؟؟

المـــــرجـلــــــه موكذااا؟؟







إذا المراجل لبسة شماغ وعقال
....................قل للعذارى يلبسنّ العمايم
ما عاد يفرق زول حرمه ورجال
................دام الفعايل تشبه البعض دايم
المرجله ما هيب كلمه وتنقال
............وتروح ما راحت هبوب النسايم
وإلا خشونة صوت أو رفع الأثقال
................أو رزة صدور وفعل الزلايم
ولا هي بعد مفتاح موتر وجوال
.............وإلا ردى لسان ٍ حديثه شتايم
المرجله شيمه عن القيل والقال
..............رفيع نفس ٍ حر بالجو حايم
المرجله عقلٍ وزن وزنه جبال
.........ودون العقل وش فرقنا والبهايم
يا مسندي لو مايل الوقت بي مال
..............يا ولد أبويه يا عظيم العزايم
يا معرب الجدين من العم والخال

............يا نخوة المفزوع وقت الهزايم
المرجله يا خوي هي طولة البال
..............هي العزم هي الصبر فالظلايم
فيها الكرم عزه دله وفنجال
............فيها الكرامه عن ردى الطبع شايم
والدين لامنه خذا القلب منزال
.................مشى طريق الحق وابليس نايم
ومن لا عرف ربه في طيب الحال

.....................لابد وقت الضيق بالهم هايم
حتى صلاتك مع جماعات ورجال
..................في خيرها يا خوي نعم الغنايم
ولامن نصف ليلك قم صفي البال
.................يا عظم أجرك بين ساجد وقايم
ولا من رفع ربي له كل الأعمال
...............حسن الذكر لا قالو فلان صايم
وخلك شريف القصد يا طيب الفال
................سوء المقاصد فالبيوت الهدايم
واحذر تبيع النفس في دب الأنذال
...............وتتبع خوي إبليس راع النمايم
النفس خيل لك إذا كنت خيّال
.............ومن لا قوى نفسه قوته الهزايم
ولا صرت ما تدري لو يش أنت رجال
..................والله خسارة فيك ذبح التمايم




تقبلوا تحياتي
8
8
وتين

الله يعطيك العافية وتين نص مايحتاج تعليق لأنه فوق مستوى التعليق وياليت كل الشباب يقتدوا بماهو مذكور في القصيدة بصراحة مستوى رائع للقصيدة وانا اعتبرها من أجمل القصائد الموجوة على الساحة ....... شكرااااا ولا عدمناك

الله يعطيك العافية وتين نص مايحتاج تعليق لأنه فوق مستوى التعليق وياليت كل الشباب يقتدوا بماهو مذكور في القصيدة بصراحة مستوى رائع للقصيدة وانا اعتبرها من أجمل القصائد الموجوة على الساحة ....... شكرااااا ولا عدمناك

عاشق الادب
أخجلت تواضعي بهذا الرد الطيب
وهذا من ذووقك

إذا المراجل لبسة شماغ وعقال
....................قل للعذارى يلبسنّ العمايم
ما عاد يفرق زول حرمه ورجال
................دام الفعايل تشبه البعض دايم
المرجله ما هيب كلمه وتنقال
............وتروح ما راحت هبوب النسايم
وإلا خشونة صوت أو رفع الأثقال
................أو رزة صدور وفعل الزلايم
ولا هي بعد مفتاح موتر وجوال
.............وإلا ردى لسان ٍ حديثه شتايم
المرجله شيمه عن القيل والقال
..............رفيع نفس ٍ حر بالجو حايم
المرجله عقلٍ وزن وزنه جبال
.........ودون العقل وش فرقنا والبها

تحياتى لك .......وتين الاحساس

زرقاء اليمامه
شـكــ وبارك الله فيك ـــرا لك ... لك مني أجمل تحية .

الله الله عليك وتين انتقاء رائع
تسلم الايادي يالغلا

دمتي مبدعه
ودي

الله الله عليك وتين انتقاء رائع
تسلم الايادي يالغلا

دمتي مبدعه
ودي

أخجلتي تواضعي بردك الطيب
سلمتي ع المرور الحلو