أكبر مجرم في المنتدى!!

موضوع متميز استاذتي الفاضلة

وحبيت اشارك فيه ولو إني جاية متأخرة

بس حبيت اقول لكم شي من جرائمي الصغيرة

اتذكر انو لما كنت صغيرة وقبل ما ادخل المدرسة وحتى بعد

دخولي كانت هوايتي المفضلة هي ضرب الأولاد اللي يمرون من

عند بيتنا مع أخواني لأني أختهم الوحيدة ومشاركتهم بكل هواياتهم

وللحين مشاهد الضرب والتعذيب بذاكرتي مع اني طيوبة بس

القرين بالمقارن يقتدي،،ولسوء حظ عيال حارتنا كان بيتنا اقرب

بيت للبقالة يعني ضحايانا كل يوم بالعشرات ياحرااام،،

ومن جرائمي ايضا اني كنت صاحبة خيال واسع واخترع مواقف

رغم عمري الصغير وقتها واقول لجدتي ان اخواني ضربوني وكل يوم

مؤلفة سيناريو جديد وجدتي عاد ما تقصر فيهم،،

آخر جريمة ارتكبتها وللحين ندمانة عليها والله يسامحني على اللي

سويته إني لما كنت اولى جامعة وكان عمري 18وقتها كانت وحدة

من صديقاتي تدرس انتساب وكانت تعاني صعوبات بالدراسة

وحملت ثلاث مواد الترم الأول وخايفة تطلع لها مادة بالترم الثاني

وتبقى للإعادة ،،

المهم جتني الشهامة والنخوة وحزنت عليها خصوصا انها حالها من

حالي مغتربة يعني وكانت موادها سهلة بالنسبة لي رغم انها غير

موادي وقمت اذاكر معاها كل يوم بعد ما اختم مادتي وادخل

اختباراتها بدالها؟؟!!

لأنهم كانوا يدخلوا القاعات بعدنا ع الساعة 10

وبقيت ع هالحال 12يوم دخلت فيها 12 مادة لها والحمد لله نجحت البنت بتقدير جيد جدا وانا ما استفدت إلا تأنيب الضمير

وسلامتكم