............... وكتبت لي :.. خلاص غيرك خذاني
حتى جدار الصمت لو التفت فيك
............... بكيت من صمته .. وضيق الثواني
عشقت كل لحظات عمرك وماضيك
............... ومعك : عرفت ان الأماني .. أماني
وسويت لك في داخلي شي يرضيك
............... وان كان مايرضيك ؟؟ ... سويت ثاني
نزعت فرحت خاطري .. ليت تكفيك ؟
............... وزرعتها في داخلك ......... ماكفاني
ضحكت لك وآنا من الحزن أسليك
............... وحبست دمعي لجل أقدم حناني
وصديت وقت الضيق .. مابيك مابيك
............... تشوفني أضحك .. وأنا اللي أعاني
ياهـ الزمن تكفى - طلبتك - وأرجيك
............... لاتبخل بـــ وصل الحبيب الـ أناني
قد قلت له : مقدر أفارق وأحاتيك
............... وقد قلت له : هالبعد ياما كواني
لكن حسافه كل صوتــ (ن) يطريك
............... ياما معا نفسي ذكرتك.... أعاني
بـ ايديك كل اللي حصل اييه بـ ايديك
............... بديت احسك شي ... خااارج زماني
ودامك زرعت انسان غيري بـ أراضيك
............... فـ أنا ماحب يكون غيري ..... مكاني
بـ تغيب ؟ غيب ولكن اسمع محاكيك
............... قبل السفن تنوي بــــــ هجر المواني
في خاطري كلمة < ويمكن > تبكيك
............... ابيك تسمعها / . دقايق عشاني
لو الزمن يعطيك - ماهوب معطيك
............... شخص يحطك بين عوج المحاني !!
في خاطري كلمه يمكن تبكيك..
العرض العادي
