من اظماي يا همي شربتك شراب الهيم... تنفستك الصعـدا وازعجتنـي بالنـاي

[poem=font=",6,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
من اظماي يا همي شربتك شراب الهيم=تنفستك الصعـدا وازعجتنـي بالنـاي
خذيتك هنا تغريـم وجرمتنـي تجريـم=فهقت الضلوع وما بقا الا صميم اقصاي
على اتفه اخطائي تعزوى بسين وجيـم=كأنك بري مالك سبب في كثير اخطـاي
ولامتك فيني دمعة ٍ من عيـون الريـم=كرستالها كحل وضفاف الجليـد ارداي
بعد ما تشائمنا رميتـك بوجـه الديـم=تواريت عن وجهي وخاشرتني رجواي
كرهت المنام ولـذة الليـل والتنجيـم=وجمرة دفا تحضن اديني وهي جـواي
كهوف الذئاب وليلـة الثلـج والتعتيـم=وكانوني اللي اوقده من هشيم اعضاي
ويشمومي العذري وطهر الفجر والغيـم=وقطر الندى اللي بلل الغصن في منفاي
وخارج نطاق التغطيـه داخـل الاقليـم=وسكة حديد ٍ ما تـودي الـى فرقـاي
تجت جذع توت البر قبل البهيم ايهيـم=تحت قعر هاك البحر ولى بكوب الشاي
تأففت من طول المسافه وكثر الضيـم=لك الله يعناد الزمن لو عرفـت الـراي
أيا وجهي البلـور اباحطمـك تحطيـم=ومن عادتك تذكر جروحي وانا نسّـاي
الايام سوده كـل مـا اقلّـب التقويـم=متى ايامنا البيضا تروّح معانا جاي[/poem]

روووعة عناد الرواد المعتاده

وحضور عناد الذي لايشبهه الا حضور عناد؟

مرحبا والله بعودة المبدعين

ابو احمد

لك مني كل شكر وتقدير وعرفان

ولو طالت الغيبه

سلامي لحقل وما حوله

مافيك حيله مبدع بكل قصيده
والله اني منبهر ومادري ويش اكتب لك من اعجاب وقفة الكلمات بلساني من الانباهر
لكن ادعيلك بالتوفيق انشاءالله وصح السانك
تقبل فائق التقير والاحترام
سيف الحق