مراثي الشاعرة في ( والدها وشقيقها ) ..

[frame="15 70"]

\

ودّك تحس بلوعة الموت وشلون ؟

خل من تحب يغيب .. / يعلن

فراقه

الموت ماهو شخص تنصاه وتمون

ويترك لك المطلوب حبّ

وشفاقه

الموت جوع يقطّع القلب بسنون

ويشدّك لـ جذع الألم في

وثاقه

الموت اظنه سالفة دمع محزون

الموت بابٍ للحزن وألف

طاقه

أوقد يكون : انسان معدم و مديون

وله في عيال الناس حاجه

وفاقه

وممكن يكون : انسان ماعنده شجون

بينه وبين البعد .. حب

وصداقة

او نهر من حسرة على سيله اطعون

تورق وتثمر .. لا غشاها

اندفاقه

استغفر الله كن .. هالموت مدفون

بداخل طريقي في خطاي

انفلاقه

الموت .. هاويني ويغلينِِ بجنون

وله من قديم الوقت .. فيني

علاقة

الموت ماله شكل أو طعم أو لون

الموت غدر .. يفرّق اغلى

رَفَاقَهْ

\

تصّدق ليلة الفرقا | شعرت إنك تناديني

وانا في ليلة الفرقا | كثير من القلق فيني

ضناني الفقد يا محمد

وغلبني الحزن من بعدك

ياليت تشوف يامحمد ، بكاء الناس على فقدك

خبر ماكان على الخاطر وابد ماكنّا ننتظره

نذير وجا يبلغنا بأنها خلصت ايامك

فمان الله يامحمّد

/

ياموت وشبك مبتليني من سنين

خطفتهم .. مني سريعٍ و

واجد

ياموت ماترحم عيون المحبين

اسهرتها بفراقهم / وأنت

راقد

ياموت وشلك في شبابٍ صغيرين

موّتهم ... جملة ولا ظلّ

شاهد

راحوا وقالوا : نلتقي يوم الأ ثنين

وليل الأحد .. في دربهم كنت

قاعد

ياموت عني ابعدوا وينهم وين

غابوا وأنا كني من البين

فاقد

اثنين كانوا وسط هالرأس عينين

اخذت واحد .. مابقى غير

واحد

ياموت تكفى لا تقرّب لـ / هالعين

يكفي خذيت الثانية .. وانت

عاقد

ياموت ادعي ربي إن جيت للدين

تختارنا .. مابين راكع

وساجد

/

نص : فمان الله يا محمد

[/frame]