حبيبي اعرف قدرك ترى للحب حدود
ماني لعبه بيدينك ولا انا اصغر عيالك
صحيح احبك ولو بغيت باحبك بعد زود
بس ابيك تعرف شي وتحطه في بالك
انا من جيت للدنيا جيت بعزتي مولود
ابد ما غرتني الدنيا ياللي غرك جمالك
انت اخترت تمشي معي الدرب مسدود
وانا نفسي عزيزه ابد ما تربطني حبالك
ادري الفراق صعب بس الصبر موجود
وابشر غير الذكرى ما في شي بيبقى لك
باخليك تندم تقول اللي رحل ليته يعود
ولو بكره سألت عني ابد ما ينفع سؤالك
لاني من عرفتك عرفت الحب بس صدود
واليوم فرصتي اضحك على اللي جرالك
حبي لك اكثر من نجوم السما بالليل
حبي لك بحر أبد ما تنعد قطراته
ادري تحبني!وانا اموت فيك بالحيل
منهو مثلك؟ ياللي طفت البدر بحلاته
العمر دونك صعب والبعد عنك مستحيل
مثل طفلا فقد امه كيف صارت حياته؟
انا لو يوم بس ما اذكرك اعاني الويل
شفت لك مسلم نسى يذكر الله بصلاته؟
العمر يمضي واللي بقى احس انه قليل
كيف تتناسى اللي فداك بعمره وحياته
انا مت من بعدك حتى لو عمري طويل
اصلا القلب من يوم فرقاك اعلن وفاته
شلت هموم الغير وهمي طيح متوني
مثل النجار اللي ايديه ما صلحت بابه
عشقتك عشق صادق واسكنتك عيوني
لي من غديت بالقلب من غالي احبابه
صارت فرحتك فرحي وشجونك شجوني
واليوم تجازيني بصدٍ مدري وش اسبابه
ما كفاك الصد خنتني وخابت فيك ظنوني
جيتك صادق النيه وجيتني بنفس كذابه
حلفت ما ابي شوفتك لو بالقبر دفنوني
اصلا انا مت بدنيتي قبل القبر وترابه
وعد مني لاذكرك ويطريك الفكر ما دام
ما جاني الموت ولا زال مني القبر خالي
خوفي يوم بفرضي اذكرك وادري حرام
واستغفر الله لو جيت بالصلاه على بالي
ايه احبك يالغلا و لولا خوف ربي والملام
بعد الله ورسوله ما قبلكم ولا بعدكم غالي
يا مواني الشوق تكفين وصلي له رساله
قولي حبيبك يصرخ يقول بالحيل مشتاق
ياللي جاوزت البدر في حسنه وجماله
الفكر دايم يذكرك والقلب بطاريك خفاق
دايم القلب يسال واعجز اجاوب سؤاله
يا قلب بس اسكت ترى البعد ما ينطاق
من يوم راح عني صارت حالتي حاله
منه تاخذني العزه وله ترجعني الاشواق
ابكي لا ذكرت الكلام اللي بالامس قاله
يوم قال الموت ارحم من لحظة فراق
واليوم من القهر قررت اكتب هالرساله
ما لقيت الا الدمع حبري وخدي الاوراق...
وأخيـــــــــرا اتمنــــى تعجبكـــــم..^_^
منقولـــــــــــه
جيتـــك صــادق النيــه وجيتنـــي نفـــس كــذابــه
العرض العادي
