مـوجز وتفصيـل

[poem=font=",5,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
بعض الاوادم ماطلع طلعة سهيل =هو مكتفي بالجدي والا الثريا
والا القمر لانه بدا يفضح الليل=وشمس الضحى تقضي على كل فيا
لاباس ياقلب تجر المواويل =لاباس في دنيا تعز الحديا
ياحر يانادر شبوكك محابيل =خلك عزيز النفس من غير شيا
اللي ينوشك بالخطا وره الويل =واللي يعزك بشره بالحميا
لاتنخدع في زول بعض الرجاجيل=بعض الرجال امسك بيديك ميا
عادة حرار القوم رد الجهاجيل =وعادة رخوم القوم هرج القفيا
الفرق واضح ماتبا زود تحليل=وانته تفرق بين ميت وحيا
يالادمي لاتحسب انها تساهيل=صكات بقعا في زمانك تهيا
دنياك فيها مقفيات ومقابيل =بيض وسود تطوي العمر طيا
اللي ضحك واللي من همومها يشيل=واللي صبر واللي تكويًه كيا
ياصاحبي جنب دروب المهابيل=اللي على المخلوق صاير وذيا
خلك مع اللي ينطحون اول الخيل=لاتلد عينك في هناك وهنيا
من لااستند له ضلع قفا به السيل=ومن لا رقى للمجد ماشب ضيا
واللي عيونه عالخلايق درابيل =عساه يبلا بالبلا والعميا
يطال عرض الناس بالقال والقيل= ياكل لحوم الناس بيديه نيا
هذا حياته كل ابوها غرابيل=يبلى بنفسه والشواهد مليا
اعطيتك من الفكر موجز وتفصيل= وافطن لها قدام حبل المنيا
وصلاة ربي عد وبل المخاييل –على اشرف عباده واطهر نبيا[/poem]


ابن عياد

مع التحيه