قصيده للشاعر بندر بن سرور

[align=center]حكم نجد بالسيف[/align]

[poem=font="Simplified Arabic*4*black*normal*normal" bkcolor="transparent" bkimage="" border="none*4*gray" type=0 line=0 align=center use=ex num="0*black"]
الله من عين طرقها صواديف = عميت ويبسن بالعروق الصخافي
شفت الوزا بالعين من عرض ماشيف =شفته وغيري من فطن له وشافي
وقت تغير فيه حتى العواصيف =جا في عواصيف الرياح أختلافي
شره قناطير وخيره مقاطيف = يفطن له اللي يرضع الديد غافي
كم واحد جاله زمانه على الكيف =واغترته نفسه يبا الجود وافي
يطلع مطاليع العلا بالسواليف = بين العذارى عد روحه سنافي
يفرح بهرج بالقفى يكره الضيف = قتات والقتات بالنار هافي
يعلق قصيره علقة النار بالليف = عي ولد عي زنوده ضعافي
ان رخصت الحذوه توفي عن الحيف = وان غليت الحذوه مشى اللاش حافي
يرقد ويلحق والدينه تخاليف = دايم ومرقد ميت النار دافي
هو مادرى ان الجود يبغى تكاليف = سهر الليالي مقبلات مقافي
يبغى يدين للعطايا مغاريف =ويبغى رجول ماتمل الوقافي
والصبر بنحور السنين الشواحيف =اللي قساها مثل حد الرهافي
مايقدرون الجود سود الأطاريف =مشاركة بيض النسا باللحافي
يقدر عليه اللي حكم نجد بالسيف = واودع مباغيض القبايل ولافي
عبد العزيز اللي يبث المصاريف = يجدع قناطير الذهب بالفيافي
يمشي على دربه جموع مراديف = نو تحدر ماه والجو صافي
يشدي لواقيط الزبيدي بعد ريف =ومما كسى البيدا تفيد الضعافي [/poem]


[align=center]الشاعر بندر بن سرور العتيبي رحمه الله[/align]

[align=center]تحياتي[/align]

رحم الله الشاعر بندر بن سرور
قصيده رائعه من روائع هذا الشاعر .
شكرا لك اخي العميري .

قصيده رائعه اخوي العميري

والشاعر بندر رحمه الله كان مبدع في كل شي،

شكراً لك على هذا النقل الرائع

تحيتي

شكرا على هذا النقل الموفق

لمتنبي عتيبه

اخواني

السلطان

عبدالله الموسي

يوسف الحويطي

اشكركم على المرور العطر

تحياتي لكم جميعا

يالله يا جال الأمور المهمة .. تجلى وهق قلب برى حال راعيه
البر دجته و البحر رحت يمّه ... أدرج سبب حظ على الله مساعيه
يوم إن ولد اللاش رزقه على أمه ... رزقي على اللي ميّت القشع يحييه
ماني وانا بندر ببياع دمه ... يقطعك يا بيّاع دمّه و مهفيه
اللي يبيّع لابسات الأزمه ... ثور يبي بيض العماهيج تغنيه
يزعل ليا جت ليلة الدول يمّه ... يرضى بسوق المال بأخيه و أبيه
خطو البخيل اللي يكبّر معمه ... يقرا الكتاب و واجب الله مخليه
أما هرج له في رفيقه بنمّه ... والا عطا و أمه تضيّع هقاويه
يا مل قلب كل ما مات همّه .... دارت دواليب الدهر لين تحييه
فرّاق شمل الناس عيّا يلمه ... وقتن يشيب الراس من شاية فيه
أحدن ينام و حط راسه بكمه ... و أحد تخم النوم عينه و تخطيه
و أحدن يحاول بالردى بنت عمه ... و أحدن يحاول ستر عذرا عوانيه
تخالف الأنظار شرقن و يمّه ... كلٍ هدف رايه من الناس مرضيه
أنشدك ياللي كل شي تتمه .. تقرا الكتاب كل فرض تصليّه
ويش القليب اللي عميق مجمّه ... ما سرّ غرسه ماه عطشى سوانيه
سم السبب يا عارفن عنه سمه ... سم السبب يا عارفه قبل اسميه

بندر بن سرور

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الله من عين ليا عسعس الليل=عافت لذيذ النوم ما تهتنيبه
ياوين أبا ألقى من يحب التعاليل=يبدي بزين القولا وألا أبتديبه
خطوا الولد يامال قصف التماثيل=يشرح عيوب الناس ما شاف عيبه
يفرح ليا شاف المجالس هراميل=ويكره لا شاف المجالس مهيبه
ما شوقنه طيبات التماثيل=مع شايب ٍ قدبين الوقت شيبه
ماهوب شايب شيبنه غرابيل=عيدٍ يقفي به وعيدٍ يجيبه
وأنا الذي شفت الوزى يااسماعيل=طاوعت نفسي لين شفت الغليبه
النفس طيرٍ والخطايا محابيل=والناس رواي الحديث تحكيبه
وانصحك ياللي تايهٍ بالدواويل=الياتاه فكرك تاه مسرى النجيبه
أحذر تصلي بالهدوم المسابيل=وأحذر تخاوي اللاش تابع نسيبه
[/poem][/poem]
[align=center]بندر بن سرور[/align]

سلمت يالعميرى على النقل الرائع


لك التحية

الشهاب

تسلم يالشهاب على المرور
تحياتي العميري,,,,,,,,,

اخى العميرى

يعطيك العافيه اخى العميرى والله يرحم ابن سرور لما اجاد فى قصا ئده الحكم

وتقبل تحياتى اخى

الله يعافيك يابو هيثم واشكرك جزيل الشكر
والشاعر بندرشاعر غني عن التعريف
تحياتي

صح لسان ولد عمي الشاعر بندر بن سرور القسامي الروقي العتيبي الله يرحمه

شـكــ وبارك الله فيك ـــرا لك ... لك مني أجمل تحية .