ياملاك الكـون عنـدي يامـلاك
يايتيم الوصف يالترف الحنـون
جل من صور وكمل لـك حـلاك
وابتلاك الزين مع سحر العيـون
اشهد ان الرب في خلقه عطـاك
لا نخيت الشعر في وصفك يخون
ياعبير الشوق في طلـة شـذاك
ياضريف الطول يالغرو الفتـون
تذبح العشاق في جمـرة شفـاك
وتظهر الخافي بسلهام الجفـون
طلتك صبحك وفي شعرك مساك
وضحكتك الحان في ليل الشجون
ماكأن الكون به من هو سـواك
ولاكأن الناس مثلـك يشبهـون
اعشقك واذوب كلي في هـواك
واترك العالم ولااسأل وشيبـون
ماعلي من هرجة جت في خفاك
ولا اصدق فيك لو جو يعذلـون
كل يوم يزود في قلبـي غـلاك
وكل يوم يزيد حبي لـك جنـون
لو طلبت العين ياعينـي فـداك
وان بغيت الروح صدقني تمون
اعترف واقول عمري في رجاك
يايتيم الوصف يالترف الحنـون
** يتيــــم الوصف **
العرض الشجري