افهـم كلامـي

[poem=font=",7,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

افهـم كلامـي ياكريـم الرجالـي=واحفظ وصاتي ياعمر يوم اوصيك
انظر امام وخلف وانظر شمالـي=واعرف عدوك من بواقي محبيـك
يمناك هي سيفك لكسـب المنالـي=لاتعتمد عالغير واسعـى لباريـك
امش بطريق الحق مشي اعتدالي=حتى عدوك ياعمر يبتلـش فيـك
ترى الفرح تتبعـه سـود الليالـي=ماكـل ايامـك تسـاوي ليالليـك
ابعد عن الانذال واهل الفضالـي=مامن وراهم غير حاجـه تخزّيـك
فكر لرزقـك واكسبـه بالحلالـي=لاتنشغل بايام عمـرك وماضيـك
خلـك كريـمٍ واقتصـد لليـالـي=ماينفعك اخوك لافضيـت ايديـك
لاصار جيبك مابه القرش خالـي=حتى صديقك يكرهـك مايدانيـك
يقول انـا يـارب اتعبـت حالـي=مع واحدٍ صعلوك من هالصعاليك
لاشك بعض الناس عبـد الريالـي=من شانه يبيعك ولوكـان يغليـك
اعلم ترى للطيب ربـعٍ واهالـي=وفعله بغير اهله يترك اثـر فيـك
كم واحدٍ تعطيه اعلـى الحلالـي=وبالصد والنكران شخصه يجازيك [/poem]