تغيرناولا نـدري مـن اللـي غيـر أطباعـه

تغيرنـا ولا نـدري مـن اللـي غيـر أطباعـه
ياقلبي قول لاتسكت وش اللي جابنـا أغـراب؟! .

سألتـك ليـه تتنـهـد بـصـدرك آه ملتـاعـه
تصب الملح من عينك تناثر دمعـك المرتـاب؟! .

جنوني / والذي خلـد غـلاك بخافقـي راعـه
سكوتك يكسر ضلوعي وفيني مابقـت أعصـاب .

أبعرف بس مـن يقـدر يكـدر خاطـرك ساعـه
أبعرف بس من غيري يفتح في هـواك أبـواب .

تنهـد وألتفـت يمـي وقـال بـروح فـزاعـه:
حبيبي يا بعد عمري أحبك ( والهوى غـلاب ) .

هواك بمهجتي أقـرب مـن الخفـاق لأضلاعـه
وكيف وشلون لا تسأل سألت ولا لقيـت أسبـاب .

أحبك / كثر ما أكـره فراقـك وأشـرب أوجاعـه
أحبك / كثر ماتسهـر عيـونٍ تنتظـر أحبـاب .

أحبـك / كثـر مايحلـم فقيـر يعـدل أوضاعـه
أحبك / كثر مايندم غشيـم بعشـرة الأصحـاب .

أحبك / كثـر ماغنـى (عبـادي) للهوى وداعـه
( على آخر تراب الأرض )أحسك بالوصل كذاب .

لأنـه صـار مـا كنـا نخافـه والهـوى طاعـه
فراقـك حـلّ ياعمـري ولازم نبتعـد أغـراب .

نص في منتهى الروعة
شكرا لك ساعي البريد
تقبل تحياتي

اشكرك اخي ساعي البريد
على هيك ذاااايقه شعريه

تسلم لنا ويسلم ذووووقك

قصيده فريدة من نوعها
اختيار مييز وموفق
تحياتي