الجميلة والشاعر الغبي !!

في زحمة الناس شفتها ..
و شفت العجب ..
رمش و هدب..
و لمعة ذهب ..
ما فيه أحد شافها ما تفكر ..
وكل رجال لمحها تحسر..
كأني أسمعهم يقولون..
هلا والله .. وش ذا الزين كله!!..
كل الوجوه تغيرت ألوانها ..
حتى أنا يالثقيل ..
ضعت و ضيعت الدليل..
وقفت ما بين جنه و نار..
و احرقت قصيدي و الاشعار..
وش القصيد اللي يوفيها حقها؟!..
و قطعت أوراق التذكار..
ما لقيت فذكرياتي مثل هالجمال..
هبت نسمة ريح..
و تحرك بعض شعرها..
بغيت من لهفتي أطيح..
يوم ردت شعرها..
تلتفت يمي كل دقيقه..
أنا في حلم والا حقيقه؟!..
معها خدامه و صديقه..
وأنا لي الله ..
ثم مشاعري في بحرها غريقه..
قلت في نفسي:
اللي مثلها .. نفسي ما تطيقه..
كل يوم لها رفيق و رفيقه..
وانا تلعب باعصابك الغيره..
و هي في هواها سعيده..
اقتنعت أخيرا.. وجيت أمشي..
وقبل لا أمشي..
جتني و ابتسامتها عريضه..
تمشي يمي و أنا الخجل ياكلني..
الله يستر لا تفشلني..
قالت:
مساء الخير..
قلت:
هاااااهـ..
قالت وفي عيونها ضحكه:
أنا خلصت عندي البطاريه..
و العيون من اليوم عليه..
قلت .. و بنبره غبيه:
اااايه .. طيب؟!!..
قالت:
أكلم البيت يرسلون السواق..
انت عارف..
هذي مشاكل الأسواق..
قلت :
أفااا ..
ولا يهمك يا بنت الناس ..
طحتي على الفتى الحساس..
لو تبين القرطاس..
أحوله ألماس..
قالت .. والدلع بدى ياخذ مجراهـ:
شكلك خفيف دم..
قلت:
و بالفلوس ما أهتم..
قالت:
يعني ولد نعمه؟! ..
قلت:
لا و راعي حكمه..
قالت.. وأنا بديت أعجبها:
وش بتسوي لي في مشكلتي؟!..
قلت:
أشتري لك بطاريه..
أو أسدد المديونيه..
تغيرت نظرتها و قالت:
أمحق حكمه..
حسبت عندك سالفه..
قلت:
أهم شي .. العاطفه..
قالت:
تراني مستعجله..
قلت:
ما أشوفك مهروله..
قالت .. والزعل باين عليها:
الشرهه علي اللي جيتك..
يا ذكي..
أنا أبي اللي في جيبك..
قلت:
ايــــــــه قولي كذا من أول..
انتي راعية تسول..
الله يعطينا و يعطيك..
قالت بثقه مصطنعه:
فعلا ما عندك نظر..
والا وش جاب القرد للقمر؟!..
قلت:
اي والله صدقتي ..
و بوصفك ما كذبتي..
لكن بوصفي جهلتي ..
الله يسامحك..
أنا أبي أساعدك..
لكن مالي في الطيب نصيب..
قالت:
أشوفك صرت مؤدب ؟!..
قلت:
الجو كان مكهرب..
قالت:
و الحين .. بتجيبه؟!..
قلت:
وشهو اللي أجيبه؟!..
قالت:
يا ساتر شكلك ما تفهم التلميح..
قلت:
خصوصا اذا اللي قدامي مليح..
قالت:
لا و تعرف تتغزل..
قلت:
احم احم .. اللي قدامك شاعر..
و اذا ركزت شوي..
أكتب خواطر..
قالت:
طيب يالشاعر..
وش رايك بعيوني؟!..
قلت:
تقصدين السحر اللي سحبنا؟!..
و الرمش اللي هزمنا..
والا تقصدين المحاجر..
اللي عشانها أهاجر..
لو لآخر الكون..
أظنك تقصدين .. الهدب..
مصدر اللهب..
والا الحواجب..
تنسينا العواقب..
كلك على بعضك الزين مكمل..
يا حليل اللي يحاول فيك يتغزل..
قالت:
انت خطير..
و شكلك تبيني معاك أطير..
وأنا ما عندي مانع..
بس انت هل تمانع؟!..
قلت:
وش اللي نطير؟..
اذكري الله..
أنا توي صغير..
اللي تقولينه ما يصير..
قالت:
طيب .. أنا وش اللي ناقصني؟!..
يومك ما تفهمني..
قلت:
أنا فاهم ..
بس عاد القلب و ميوله..
عنيد.. ولا يطاوعني بسهوله..
قالت:
أنا اللي مالي في الطيب نصيب..
حسبت رمشي سهم..
يصيب و لا يخيب..
لكن .. مع السلامه..
قلت:
فمان الله..
راحت..
تمشي..
وأنا سارح بفكري في دلعها..
غارق بهمي من أجلها..
ناسي كل شي قالت و قلت..
متعلق خافقي في هاك البنت..
و أقول في نفسي:
وش كنا نقول؟!
الظاهر اللي قلته أنا كله غلط..
بس وش كانت تبي بالضبط؟!.