((( يابنت وش فيكي )))

[poem=font="Mudir MT,6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يابنتت وش فيكي حجر ماتحنين=منك رياض القلب ذابل زهرها
وش فيك بعد الغلا قمتي تجافين=نفسي تعذبها وتسعى بقهرها
برمجتي أيامي على الحزن والبين=وخليتي عيوني تزايد سهرها
أقول انا ما انساك ونتي نسيتين=ونفسك على القطعان محد جبرها
هذي جزاة التضحيه منك يازين=وقفاتنا بالضيق ماتفتكرها
التضحيه عنوان بين المحبين=ماتنسي بالقلب تلقى قدرها
قلبك حجر ياناوي البعد مايلين=أعطف على منهو حياته قبرها
وش عاد لو أنك عن الحال تدرين=من غيبتك همٍ بروحي دمرها
وصارت تجيني دوخة كل يومين=وماصرت أميز شمسها من قمرها
ودموع ماجفت على حاجر العين=هليت لين الدمع غيب نضرها
كني سجين وكل حولي مساجين=محكوم بالأعدام والله سترها
وقضيتي لاهي خيانه ولا دين=قضيتي باالود كل عرفها
بلوى وحطوها الصحف بالدواوين=واللي قرا بلواي راح ونشرها
وصلت مسامعها الى الهند والصين=واشكي ونار القلب ذعذّع دخنها
عطني على بعدك وهجرك براهين=والا غريزه فيك ربي غرزها
خل للفراق أسباب واكتب عناوين=حتى أعرف الأسباب واقرا خبرها
ولا مقالب ياحياتي تسوين= تمزح ونا روحي طبيبي عذرها[/poem]