على نو السحاب اللي تحدر والعيون تخيــــل
وعلى صوت الصبا والليل مايسري به الساري
وعلى الخيال كانه ماتخير من خيار الخيــــل
عليـــه انه يراجع نفسه الوجــلى ويختاري
وعلى اللي وارد للعد قبل تجيه ظلمى الليـــل
يقـرر كيف يشرب صافي الماء قبل الاسفاري
دروب اللي مشى في غربته مابين عدل وميـل
ليا منه نوى الـــطرقة بدى يطري له الطاري
جديده مع قديمه يخلط المسمار بن وهــيــل
يسير الدرب لو كــله مخاطر والنهر جاري
تسير الرجل مأمورة بلا غنجٍ ولا تدلــيــل
مخاليب الصقور تجيب صيد ان سهل الباري
ولو مال الزمن ياقف بعزة صيرمي حـلحيل
ماتلعب به هـــجوس الليل والا كثر الأفكاري
يداري في ضميره ماسمع للقال والا القيــل
ماباح بسره المكـــنون مهما هــام واحتاري
عبدالله السكات
على نو السحاب اللي تحدر والعيون تخيــــل
العرض الشجري