قصيــــده بعنــوان المــدح 000

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

الــمدح كانك يافـتى الجـــود تــبغـاه = اعزم ترا دون المـعالي كـلوفـــه
تـبرك مباريك الجمل ماتــقول اه = وتشيل مثل اللي تشيله كـتوفــــه
درب المعالي صعب ياعـسر مرقاه = ون مارقيته منت عارف صنوفه
الرجل بالشــدات تعرف سجـــــاياه = الى بغا المرقاب لازم ينوفـــه
رجلا هدف نفـــسه عــلى قد ماطاه = ورجلا هدف نفسه على مد شوفه
ورجلا قوى الباس عــند الـــمعاناه = ورجلا ردي الباس كلا يطوفــه
والعبد دام انــــــه توكل على الــلــه = يلحق هواه ان ساعدنه سعوفــه
الـــى مشى حســن النوايا مطـــاياه = ون زانت النـيه تسهل ظروفــه
والكاظما غيظه عــــلى الناس مبداه = والـعفو عند المقدره من اوصوفه
والصبر تحــمد بــعد الازمات عقباه = كل الخساير من وراه امخلوفـه
والزرع لنه طاب طــــيبه من ذراه = ازرع عزيز الورد وقطف قطوفه
وبعض العرب في ساحة الجود تلقاه = اما يـــسوي جود والا يحوفــــــه
اللي سلاحــه مــن حزا مه ليـــمنا ه = ينـحر ذلوله لجل يكرم ضيوفـــه
والا كما عـــد الرها مانـقــص ماه = ولو عليه الورد تـكثر صفوفـــــه
ونجيـت له يعـجــبك نـباه وقـــــراه = مــاله حلال وينــفقنه كفوفـــــــه
الي يـــبا حاجه من الــــناس ينصاه = نفسه على حب اليتاما رؤفـــــه
ان جا عقاب الليل يحـــــيي مصلاه = نفسه على الطاعه دؤبا ولوفـــه
يقوم ليـلــه فـــــي مـــناجات مولاه = نفسه رجاويه ونوبا خيوفـــــه
وبعض العرب عنـــــد الملاقا تمناه = فعايله عـند اللزوم امعروفـــــه
وبعض العرب عــيـنك تمنا حلاياه = ترتاح له نفســك وتبغا تشوفـــه
وبعض العرب يالـيت بالشوف تقواه = لونه قـمر عيــنك تمنا كــسوفــــه
ون غاب ودك مدة امـقيـط ورشاه = مالك على فرقا خياله حسوفــــه
وبعض العرب تقول حاجه مغـــطاه = الى كشفــته مايسرك كشوفــــــه [/poem]

وسلامتكم اخوكم عيد بن قيضي البلوي