خابرك أصلي ما خبرتك تجي تقليد
ماخذ سلوم الطيب ورث ٍ من الشايب
انا رمعتك رمعة ٍ صايده وتصيد
كفخة وحش مني على رايك الصايب
وش رخمك يا طير وانتا خشير الصيد
صفطت ريشك لابرق الريش متهايب
أبختصر واركب الحمض والاكسيد
معادله واجرب احساسك الذايب
اطلقك للمريخ لين أتغدي صنديد
يمكن على الله صدع الارواح له رايب
الغبن غبن الروح والقهر ويش يفيد
يأبى على النسيان حق ٍ يجي دايب
تعال حددني قبل يفرط التحديد
جيت انهبك يا مهمل ٍ مالك السايب
تدري وفانا ورث ما هو وفا تمديد
وفا رجال ٍ تدهل المجد وتطايب
حنا كفنا هالزمن مانبي تمجيد
يوم ٍ عسفنا مهرة الحرب يا هايب
يوم ٍ كفى الله لحيتي شر بوتغريد
بحرق برنسه قبل لا يحرق الشايب
يابو لهب والبارحه منت راس الحيد
عيب ً تسب الرجل لا صار هو غايب
فديت كبد ذياب لو ما غدر بو زيد
شلفاه ما شحت على الدم يا خايب
شمطان الألحى بالمعارك تسج البيد
ورمحي مثنى لا برى دمك الرايب
من جامحات الريح ومعربات الديد
من صافنات الخيل بختار لي نايب
أشد في ظهره الى ديرة ابن مهيد
واستغفر الله (عنك) ماني أبد تايب
اجز راسك جزة الكبش صبح العيد
وانزع وريد العيب من قلبك العايب
ودي طويل شهاق يمسح دموع الغيد
يجيبلك تاريخ عيا على الجايب
انا اكتسحت الغام دربك يبو تغريد
أحب ارضك واحتقر مجدك الآيب
تحيتي لك عسكريه بلا تشديد
تحية مقدم دقها لحضرة النايب
يوم ٍ اشيلك فوووق لا تحسبني إبعيد
أجيب راسك غصب ولى على طايب
أبش في وجهك محبه ولا هي كيد
لإن النوايا الطيبه قوسها قايب
اللي بقلبه حقد عايش على التنكيد
مثل القراح يغثربه علقم ٍ شايب
خابرك اصلي
العرض المتطور
