ما شفت بالايام لي فرحه وانا حظي تعيس
وما شفت اكذب من حلامك يالشعوب الساميه
المشكله جينا بزمن طبعه ولا طبع الخسيس
يا رمية ٍ صابت وطحنا بالسنين الراميه
ياما تمنيت الزمن يرجع الى مره وقيس
الى قصي ابنُ كلاب ومكّه المتراميه
كنا عرب فالجاهليه يوم يشتد الوطيس
انخضّب ارقاب القنا فوق السيوف الداميه
واليوم حنا مسلمين وحالنا جدا ً بئيس
حتى اسمنا اصبح يُسمى بالشعوب الناميه
نهز نرقص ياعرب من قبل لا ترقص لميس
على جروح الحزن نضحك والليالي طاميه
حنا مثل قارب جنح كله على مينا السويس
نكذب على الانفس ونروي هالشفايا الظاميه
يا رحمة الله وبابه اللي كل اثنين وخميس
ناس ٍ لهالجنه وناس ٍ للجحيم الحاميه
الشعوب الناميه
العرض العادي
